ನಿಯಮ ಮುರಿದ ಟೀಂ ಇಂಡಿಯಾ ಕ್ರಿಕೆಟಿಗರು ಮೂರನೇ ಟೆಸ್ಟ್ ಆಡಬಹುದೇ?

ಮೆಲ್ಬೋರ್ನ್: ಜೈವಿಕ ಸುರಕ್ಷಾ ವಲಯದ ನಿಯಮಾವಳಿಗಳನ್ನು ಮುರಿದು ರೆಸ್ಟೋರೆಂಟ್ ನಲ್ಲಿ ಊಟಕ್ಕೆ ತೆರಳಿದ ರೋಹಿತ್ ಶರ್ಮಾ ಸೇರಿದಂತೆ ಐವರು ಕ್ರಿಕೆಟಿಗರಿಗೆ ಐಸೋಲೇಷನ್ ನಲ್ಲಿರಲು ಸೂಚಿಸಲಾಗಿದೆ. ಹೀಗಾಗಿ ಈ ಕ್ರಿಕೆಟಿಗರು ಜನವರಿ 7 ರಿಂದ ಆರಂಭವಾಗುವ ಮೂರನೇ ಟೆಸ್ಟ್ ಆಡಬಹುದೇ?

ಸದ್ಯಕ್ಕೆ ಈ ಕ್ರಿಕೆಟಿಗರಿಗೆ ಐಸೋಲೇಷನ್ ನಲ್ಲಿರಲು ಸೂಚಿಸಲಾಗಿದೆ. ಆದರೆ ಅಭ್ಯಾಸಕ್ಕೆ ತೊಂದರೆಯಿಲ್ಲ. ಈ ಐವರು ಕ್ರಿಕೆಟಿಗರು ಪ್ರತ್ಯೇಕವಾಗಿ ಅಭ್ಯಾಸ ನಡೆಸಬಹುದಾಗಿದೆ. ಹೀಗಾಗಿ ಯಾವುದೇ ಆರೋಗ್ಯ ಸಮಸ್ಯೆ ಇಲ್ಲದೇ ಹೋದರೆ ಮೂರನೇ ಟೆಸ್ಟ್ ಆಡಬಹುದಾಗಿದೆ. ಆದರೆ ನಿಯಮ ಮುರಿದ ತಪ್ಪಿಗೆ ಬಿಸಿಸಿಐ ಇವರಿಗೆ ದಂಡದ ಶಿಕ್ಷೆ ನೀಡಬಹುದು.