ಮುಂಬೈ: ಧೋನಿ ಜೀವನಾಧಾರಿತ ಸಿನಿಮಾ ಹಿಟ್ ಆಯ್ತು. ಸಚಿನ್ ತೆಂಡುಲ್ಕರ್ ಸಿನಿಮಾ ಶೀಘ್ರದಲ್ಲೇ ಬರುತ್ತದೆ ಎಂದು ಸುದ್ದಿಯಾಗಿತ್ತು. ಇದೀಗ ಯುವರಾಜ್ ಸಿಂಗ್ ಸರದಿ. ಕಮ್ ಬ್ಯಾಕ್ ಹೀರೋ ಯುವಿ ಸಿನಿಮಾದಲ್ಲಿ ಯುವಿ ಪಾತ್ರ ವಹಿಸಲು ಬಾಲಿವುಡ್ ನ ಈ ಖ್ಯಾತ ಹೀರೋ ಬಳಿ ಕೇಳಿಕೊಳ್ಳಲಾಗಿದೆಯಂತೆ.
ಭಾರತಕ್ಕೆ ಏಕದಿನ ವಿಶ್ವಕಪ್ ಗೆದ್ದು ಕೊಟ್ಟ, ಕ್ಯಾನ್ಸರ್ ವಿರುದ್ಧ ಹೋರಾಡಿ ಗೆದ್ದ ಯುವಿ ವರ್ಣರಂಜಿತ ಬದುಕು ಎಂತಹವರಿಗೂ ಕತೆಗೆ ಬೇಕಾದಷ್ಟು ಸರಕು ಒದಗಿಸುತ್ತದೆ. ಹೀಗಿರುವಾಗ ಯುವಿ ಸಿನಿಮಾ ಬಗ್ಗೆ ಮಾತುಗಳು ಕೇಳಿ ಬರುತ್ತಿವೆ.
ಆದರೆ ಇತ್ತೀಚೆಗೆ ಏ ದಿಲ್ ಹೇ ಮುಷ್ಕಿಲ್ ಸಿನಿಮಾ ಪ್ರಚಾರದ ಸಂದರ್ಭದಲ್ಲಿ ಯುವರಾಜ್ ಜೀವನಾಧಾರಿತ ಸಿನಿಮಾದಲ್ಲಿ ನಟಿಸಲು ರಣಬೀರ್ ಆಸಕ್ತಿ ವಹಿಸಿರುವುದಾಗಿ ಹೇಳಿಕೊಂಡಿದ್ದರು. ಹೀಗಾಗಿ ಅವರನ್ನೇ ಆ ಪಾತ್ರಕ್ಕೆ ಫಿಟ್ ಮಾಡಲಾಗುತ್ತಿದೆ ಎಂದು ಗಾಸಿಪ್ ಹರಡಿವೆ. ಆದರೆ ರಣಬೀರ್ ಆಪ್ತರು ಮಾತ್ರ ಇದನ್ನು ಖಚಿತಪಡಿಸಿಲ್ಲ.
ಆದರೆ ಸ್ವತಃ ಯುವರಾಜ್ ಗೆ ಈ ಪಾತ್ರಕ್ಕೆ ಅಕ್ಷಯ್ ಕುಮಾರ್ ಸೂಕ್ತ ಎಂಬ ಭಾವನೆಯಿದೆಯಂತೆ. ಅದನ್ನು ಸ್ವತಃ ಅವರೇ ಒಂದು ಕಾರ್ಯಕ್ರಮದಲ್ಲಿ ಹೇಳಿಕೊಂಡಿದ್ದರು. ಅಂತೂ ಯಾರೇ ಮಾಡಲಿ, ಯುವಿ ಸಿನಿಮಾ ಕೂಡಾ ಧೋನಿ ಸಿನಿಮಾದಂತೇ ಯಶಸ್ವಿಯಾಗುವುದಂತೂ ಸತ್ಯ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
