ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗಿಂದು ದಾಖಲೆಯ ಪಂದ್ಯ

ಮುಂಬೈ: ನ್ಯೂಜಿಲೆಂಡ್ ವಿರುದ್ಧ ಟೀಂ ಇಂಡಿಯಾ ಇಂದಿನಿಂದ ಮೂರು ಪಂದ್ಯಗಳ ಏಕದಿನ ಸರಣಿ ಆಡಲಿದೆ. ನಾಯಕ ವಿರಾಟ್ ಕೊಹ್ಲಿಗಿದು ವಿಶೇಷವಾದ ಪಂದ್ಯವಾಗಲಿದೆ.

ಏಕದಿನ ಸರಣಿಯಲ್ಲಿ ಕೊಹ್ಲಿಗಿದು 200 ನೇ ಪಂದ್ಯ. ಹೀಗಾಗಿ ನಾಯಕ ಕೊಹ್ಲಿ ಪಾಲಿಗೆ ಇಂದಿನ ದಿನದ ಪಂದ್ಯ ಸ್ಮರಣೀಯವಾಗಲಿದೆ.  200 ಪಂದ್ಯಗಳನ್ನು ಆಡಿದ 13 ನೇ ಆಟಗಾರ ಎನ್ನುವ ದಾಖಲೆಗೆ ಕೊಹ್ಲಿ ಪಾತ್ರರಾಗಲಿದ್ದಾರೆ.

199 ಏಕದಿನ ಪಂದ್ಯಗಳಿಂದ ಕೊಹ್ಲಿ 8,767 ರನ್ ಗಳನ್ನು ಕಲೆ ಹಾಕಿದ್ದಾರೆ. ಇದರಲ್ಲಿ 30 ಶತಕ ಮತ್ತು 45 ಏಕದಿನ ಅರ್ಧಶತಕ ಸೇರಿದೆ. ಅಷ್ಟೇ ಅಲ್ಲದೆ, ಈ ಪಂದ್ಯವನ್ನು ಭಾರತ ಗೆದ್ದರೆ, ನ್ಯೂಜಿಲೆಂಡ್ ವಿರುದ್ಧ ಇದು ಟೀಂ ಇಂಡಿಯಾದ 50 ನೇ ಗೆಲುವು ಎನಿಸಲಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ