ಮೊಹಾಲಿ: ಬ್ರಿಟನ್ ಮಾಧ್ಯಮ ತನ್ನ ಮೇಲೆ ಮೊದಲ ಟೆಸ್ಟ್ ಪಂದ್ಯದಲ್ಲಿ ಚೆಂಡು ವಿರೂಪಗೊಳಿಸಿರುವುದಾಗಿ ಆರೋಪಿಸಿರುವುದು ಮೂರನೇ ಟೆಸ್ಟ್ ನಿಂದ ನನ್ನ ಗಮನ ಬೇರೆಡೆ ಸೆಳೆಯುವ ವ್ಯರ್ಥ ಪ್ರಯತ್ನವಷ್ಟೆ ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪ್ರತಿಕ್ರಿಯಿಸಿದ್ದಾರೆ.
ಮೊದಲ ಟೆಸ್ಟ್ ನಲ್ಲಿ ವಿರಾಟ್ ಬಾಲ್ ಗೆ ತಮ್ಮ ಜೊಲ್ಲು ರಸ ಸೇರಿಸಿ ಹೊಳಪುಗೊಳಿಸಲು ಯತ್ನಿಸಿದ್ದರು ಎಂದು ಬ್ರಿಟನ್ ನ ಪತ್ರಿಕೆಯೊಂದು ವರದಿ ಮಾಡಿತ್ತು. “ಪತ್ರಿಕೆಯಲ್ಲಿ ಬಂದಿರುವ ವರದಿಗಳು ಐಸಿಸಿ ವರದಿಗಿಂತ ದೊಡ್ಡದಲ್ಲ. ನಾನು ಪತ್ರಿಕೆಗಳನ್ನು ಓದುವುದೇ ಇಲ್ಲ. 5 ದಿನದ ನಂತರ ಬಂದ ವರದಿಯ ಸುದ್ದಿ ಕೇಳಿ ನಗು ಬಂತು” ಎಂದು ಕೊಹ್ಲಿ ಪ್ರತಿಕ್ರಿಯಿಸಿದ್ದಾರೆ.
ಮಾಧ್ಯಮವೊಂದು ವಿರಾಟ್ ಕೊಹ್ಲಿ ಚೆಂಡಿಗೆ ಚ್ಯುಯಿಂಗ್ ಗಮ್ ತಿಂದು ಜೊಲ್ಲು ರಸ ಬೆರೆಸುತ್ತಿರುವ ವಿಡಿಯೋ ಕೂಡಾ ಪ್ರಕಟಿಸಿತ್ತು. ಆದರೆ ಐಸಿಸಿ ನಿಯಮದ ಪ್ರಕಾರ ಯಾವುದೇ ತಂಡ ಚೆಂಡು ವಿರೂಪ ಪ್ರಕರಣ ದಾಖಲಿಸಬೇಕಾದರೆ ಪಂದ್ಯ ನಡೆದ ಐದು ದಿನಗಳೊಳಗಾಗಿ ದೂರು ದಾಖಲಿಸಬೇಕು. ಆದರೆ ಈ ಪ್ರಕರಣದಲ್ಲಿ ಐದು ದಿನ ಕಳೆದ ಮೇಲೆ ಆಪಾದನೆ ಕೇಳಿ ಬಂದಿರುವುದರಿಂದ ಐಸಿಸಿ ಪ್ರಕರಣ ತನಿಖೆ ನಡೆಸಲು ನಿರಾಕರಿಸಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
