ಮೊಟ್ಟೆ ಸೇವನೆ ವಿವಾದಕ್ಕೆ ಸ್ಪಷ್ಟನೆ ನೀಡಿದ ವಿರಾಟ್ ಕೊಹ್ಲಿ

ಮುಂಬೈ: ಅಭಿಮಾನಿಗಳೊಂದಿಗಿನ ಪ್ರಶ್ನೋತ್ತರಾವಳಿ ವೇಳೆ ಸಾಮಾಜಿಕ ಜಾಲತಾಣದಲ್ಲಿ ತಾವು ಮೊಟ್ಟೆ ಸೇವಿಸುವುದಾಗಿ ಹೇಳಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಟ್ರೋಲ್ ಗೊಳಗಾಗಿದ್ದರು.

ಇದುವರೆಗೆ ನಾನು ಫಿಟ್ನೆಸ್ ಗಾಗಿ ಸಸ್ಯಾಹಾರಿಯಾಗಿದ್ದೇನೆ ಎನ್ನುತ್ತಿದ್ದ ಕೊಹ್ಲಿ, ಈಗ ಮೊಟ್ಟೆ ಸೇವಿಸುತ್ತಿರುವುದಾಗಿ ಹೇಳಿದ್ದು, ನೆಟ್ಟಿಗರಿಂದ ಟ್ರೋಲ್ ಗೊಳಗಾಗಿತ್ತು. ಮೊಟ್ಟೆ ಸಸ್ಯಾಹಾರವೇ? ಕೊಹ್ಲಿ ಯಾವ ಪರಿಯ ಸಸ್ಯಾಹಾರಿ ಎಂದು ಹಲವರು ಟ್ರೋಲ್ ಮಾಡಿದ್ದರು.

ಟ್ರೋಲ್ ಬಳಿಕ ಕೊಹ್ಲಿ ಟ್ವಿಟರ್ ಮೂಲಕ ತಮ್ಮ ಹೇಳಿಕೆಗೆ ಸ್ಪಷ್ಟನೆ ನೀಡಿದ್ದಾರೆ. ‘ನಾನು ವೇಗನ್ ಎಂದು ಯಾವತ್ತೂ ಹೇಳಿಲ್ಲ. ಸಸ್ಯಾಹಾರ ಸೇವಿಸುತ್ತೇನೆ ಎಂದಷ್ಟೇ ಹೇಳಿದ್ದೆ. ಈಗ ನೀವು ಸುದೀರ್ಘ ಉಸಿರು ಬಿಟ್ಟುಕೊಂಡು ನಿಮ್ಮ ತಟ್ಟೆಯಲ್ಲಿರುವ (ನಿಮಗೆ ಬೇಕಿದ್ದರೆ) ಸಸ್ಯಾಹಾರವನ್ನು ಸೇವಿಸಿ’ ಎಂದು ತಿರುಗೇಟು ನೀಡಿದ್ದಾರೆ.