ಟೀಂ ಇಂಡಿಯಾದ ಭುವನೇಶ್ವರ್ ಕುಮಾರ್ ನಟಿ ಜತೆ ಸರಸವಾಡುತ್ತಿದ್ದಾರೆಯೇ?! ಇಲ್ಲಿದೆ ಉತ್ತರ

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟಿಗರು ಯಾವುದೇ ಹುಡುಗಿಯರ ಜತೆ ಕಾಣಿಸಿಕೊಂಡರೂ ಅದಕ್ಕೊಂದು ರೆಕ್ಕೆ ಪುಕ್ಕಗಳು ಹುಟ್ಟಿಕೊಳ್ಳುತ್ತವೆ. ಅಂತೆಯೇ ಭುವನೇಶ್ವರ್ ಕುಮಾರ್ ವಿಚಾರದಲ್ಲೂ ಆಗಿದೆ.

ಭುವಿ ಬಾಲಿವುಡ್ ನಟಿಯೊಬ್ಬಳ ಜತೆ ಸುತ್ತುತ್ತಿದ್ದಾರೆ, ಡಿನ್ನರ್ ಡೇಟ್ ನಡೆಸಿದ್ದಾರೆ ಎಂದೆಲ್ಲಾ ಪತ್ರಿಕೆಯೊಂದರಲ್ಲಿ ವರದಿಯಾಗಿತ್ತು. ಇದನ್ನು ನೋಡಿ ಸಿಟ್ಟಿಗೆದ್ದಿರುವ ಭುವಿ, ಇಂತಹ ಸುಳ್ಳು ಸುದ್ದಿಗಳನ್ನೆಲ್ಲಾ ನಿಲ್ಲಿಸಿ. ನನ್ನ ಜೀವನದಲ್ಲಿ ಹುಡುಗಿಯೊಬ್ಬಳ ಪ್ರವೇಶವಾದಾಗ ನಾನೇ ತಿಳಿಸುತ್ತೇನೆ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇದೆಲ್ಲಾ ಪ್ರಾರಂಭವಾಗಿದ್ದಕ್ಕೆ ಭುವಿಯೇ ಕಾರಣ. ಅವರು ತಮ್ಮ ಇನ್ ಸ್ಟಾಗ್ರಾಂ ಪುಟದಲ್ಲಿ ರೆಸ್ಟೋರೆಂಟ್ ಒಂದರಲ್ಲಿ ಕುಳಿತ ಫೋಟೋ ಪ್ರಕಟಿಸಿ ಡಿನ್ನರ್ ಡೇಟ್ ಎಂದು ಬರೆದುಕೊಂಡಿದ್ದರು.

ಇಷ್ಟಕ್ಕೇ ಪತ್ರಿಕೆಯಲ್ಲಿ ಅವರ ಲವ್ ಲೈಫ್ ಬಗ್ಗೆ ಗಾಸಿಪ್ ಗಳು ಶುರುವಾದವು. ತೆಲುಗು ಮತ್ತು ಬೆಂಗಾಳಿ ಚಿತ್ರಗಳಲ್ಲಿ ನಟಿಸಿದ್ದ ಅನುಸ್ಮೃತಿ ಸರ್ಕಾರ್ ಜತೆ ಅವರ ಹೆಸರು ಥಳುಕು ಹಾಕಲು ಪ್ರಾರಂಭಿಸಿತ್ತು. ಇದಕ್ಕೆಲ್ಲಾ ಭುವಿ ತೆರೆ ಎಳೆದಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ