ಮೆಲ್ಬೋರ್ನ್: ಭಾರತಕ್ಕೆ ಸದಾ ಸಿಂಹಸ್ವಪ್ನರಾಗಿ ಕಾಡುವ ಸ್ಟೀವ್ ಸ್ಮಿತ್ ಗೆ ತವರಿನ ಪ್ರೇಕ್ಷಕರದ್ದೇ ಭಯ! ಕಾರಣ ಮೆಲ್ಬೋರ್ನ್ ನಲ್ಲಿ ಅವರಿಗೆ ಪ್ರೇಕ್ಷಕರ ಮೂದಲಿಕೆ ಸಿಗುವ ಭಯವಿದೆ.
ಚೆಂಡು ವಿರೂಪ ಪ್ರಕರಣದ ಬಳಿಕ ಒಂದು ವರ್ಷ ಕ್ರಿಕೆಟ್ ನಿಂದ ನಿಷೇಧಕ್ಕೊಳಗಾದ ಸ್ಟೀವ್ ಸ್ಮಿತ್ ಬಳಿಕ ಇಲ್ಲಿ ಪಂದ್ಯವಾಡಲು ಇಳಿದಾಗಲೆಲ್ಲಾ ಪ್ರೇಕ್ಷಕರು ವ್ಯಂಗ್ಯವಾಗಿ ಮೂದಲಿಸುತ್ತಿದ್ದರು. ಇದು ಈ ಬಾರಿ ಭಾರತದ ವಿರುದ್ಧ ದ್ವಿತೀಯ ಟೆಸ್ಟ್ ಆಡಲಿಳಿಯುವಾಗಲೂ ಮುಂದುವರಿಯುವ ಸಾಧ‍್ಯತೆಯಿದೆ. ಪ್ರೇಕ್ಷಕರ ಮೂದಲಿಕೆಯ ಮಧ‍್ಯೆಯೂ ತಾನು ಇಲ್ಲಿ ಬ್ಯಾಟಿಂಗ್ ಮಾಡಲು ಇಷ್ಟಪಡುವುದಾಗಿ ಸ್ಮಿತ್ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ಎಂಸಿಜಿ ಮೈದಾನದಲ್ಲಿ ಆಡುವುದೇ ಗೌರವ. ಅದರ ನಡುವೆ ಈ ಮೂದಲಿಕಯನ್ನೆಲ್ಲಾ ಗಣನೆಗೆ ತೆಗೆದುಕೊಳ್ಳಲ್ಲ ಎಂದಿದ್ದಾರೆ.
