ತನ್ನನ್ನು ಕಡೆಗಣಿಸಿದ ಐಸಿಸಿಗೆ ರೋಹಿತ್ ಶರ್ಮಾ ಟಾಂಗ್

ದುಬೈ: ನಿನ್ನೆ ದಿನ ಐಸಿಸಿ ತನ್ನ ಟ್ವಿಟರ್ ಪೇಜ್ ನಲ್ಲಿ ಸಮಕಾಲೀನ ಮತ್ತು ಮಾಜಿ ಕ್ರಿಕೆಟಿಗರ ಪೈಕಿ ಪುಲ್ ಶಾಟ್ ಹೊಡೆಯಲು ಯಾರು ಬೆಸ್ಟ್ ಎಂದು ನಾಲ್ವರು ಕ್ರಿಕೆಟಿಗರ ಫೋಟೋ ಸಮೇತ ಪ್ರಶ್ನೆ ಕೇಳಿತ್ತು.

ಈ ಪೈಕಿ ಮಾಜಿ ದಿಗ್ಗಜ ವಿವಿ ರಿಚರ್ಡ್ಸ್, ರಿಕಿ ಪಾಂಟಿಂಗ್, ಹರ್ಷಲ್ ಗಿಬ್ಸ್ ಮತ್ತು ವಿರಾಟ್ ಕೊಹ್ಲಿ ಫೋಟೋ ಹಾಕಿತ್ತು. ಆದರೆ ರೋಹಿತ್ ಕೂಡಾ ಪುಲ್ ಶಾಟ್ ಹೊಡೆಯುವುದರಲ್ಲಿ ಎತ್ತಿದ ಕೈ. ಆದರೆ ತಮ್ಮನ್ನು ಈ ಫೋಟೋ ಲಿಸ್ಟ್ ನಲ್ಲಿ ಸೇರಿಸದ್ದಕ್ಕೆ ರೋಹಿತ್ ಐಸಿಸಿಗೆ ಟಾಂಗ್ ಕೊಟ್ಟಿದ್ದಾರೆ.

‘ಯಾರೋ ಒಬ್ಬರು ಮಿಸ್ ಆಗಿದ್ದಾರೆ ಎನಿಸುತ್ತದೆ? ಮನೆಯಿಂದಲೇ ಕೆಲಸ ಮಾಡುವುದು ಅಷ್ಟು ಸುಲಭವಲ್ಲ ಬಿಡಿ’ ಎಂದು ರೋಹಿತ್ ಐಸಿಸಿ ಕಾಲೆಳೆದಿದ್ದಾರೆ.