ನಾನು ಸತ್ತರೂ ಸರಿಯೇ ಭಾರತ ವಿಶ್ವಕಪ್ ಗೆಲ್ಲಲಿ ಎಂದಿದ್ದ ಯುವರಾಜ್ ಸಿಂಗ್

ಶನಿವಾರ, 21 ಮಾರ್ಚ್ 2020 (09:20 IST)
ಮುಂಬೈ: 2011 ರ ಏಕದಿನ ವಿಶ್ವಕಪ್ ಗೆಲುವಿನ ರೂವಾರಿ ಯುವರಾಜ್ ಸಿಂಗ್ ಟೂರ್ನಿಯ ನಡುವೇ ಕ್ಯಾನ್ಸರ್ ನಿಂದ ಬಳಲುತ್ತಿದ್ದ ವಿಷಯವನ್ನು ಮುಚ್ಚಿಟ್ಟು ತಂಡಕ್ಕಾಗಿ ಶ್ರಮಿಸಿದ್ದು ಎಲ್ಲರಿಗೂ ಗೊತ್ತಿರುವ ಸಂಗತಿ.


ಗ್ರೂಪ್ ಹಂತದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಪಂದ್ಯದಲ್ಲಿ ಭಾರತ ಆರಂಭಿಕ ಆಘಾತ ಅನುಭವಿಸಿ ಸಂಕಷ್ಟದಲ್ಲಿತ್ತು. ಈ ವೇಳೆ ಯುವಿ ಶತಕ ಸಿಡಿಸಿ ಭಾರತವನ್ನು ಗೆಲುವಿನ ಕಡೆಗೆ ಕೊಂಡೊಯ್ದಿದ್ದರು.

ಆ ದಿನ ಯುವಿಗೆ ಆಡುವಾಗ ಮೈದಾನದಲ್ಲೇ ಸುಸ್ತಾದಂತೆ ಅನಿಸಿತ್ತು, ಅಲ್ಲದೆ, ಎರಡು ಬಾರಿ ವಾಂತಿ ಕೂಡಾ ಮಾಡಿಕೊಡರಂತೆ. ಆರಂಭದಲ್ಲಿ ಇದು ಚೆನ್ನೈನ ಉಷ್ಣತೆಯಿಂದ ಹೀಗಾಗಿರಬೇಕು ಎಂದುಕೊಂಡಿದ್ದರಂತೆ. ಆದರೆ ಬಳಿಕ ಕಣ್ಣುಗಳೂ ಮಂಜಾದಂತೆ ಅನಿಸತೊಡಗಿದವಂತೆ. ಆ ಸಂದರ್ಭಲ್ಲಿ ಯುವಿಗೆ ಇದ್ದಿದ್ದು ಒಂದೇ ಚಿಂತೆ. ನಾನು ಇದರ ಬಳಿಕ ಸತ್ತರೂ ಸರಿಯೇ. ಭಾರತ ವಿಶ್ವಕಪ್ ಗೆಲ್ಲಲಿ ಎಂದು ಮಾತ್ರವಾಗಿತ್ತಂತೆ. ಹೀಗಂತ ಯುವಿ ಸಂದರ್ಶನವೊಂದರಲ್ಲಿ ಸ್ಮರಿಸಿಕೊಂಡಿದ್ದಾರೆ.

ವೆಬ್ದುನಿಯಾವನ್ನು ಓದಿ

ಮುಂದಿನ ಸುದ್ದಿ ಪ್ರಧಾನಿ ಮೋದಿ ಜನತಾ ಕರ್ಫ್ಯೂಗೆ ಕೊಹ್ಲಿ ಸೇರಿದಂತೆ ಕ್ರೀಡಾಪಟುಗಳ ಭಾರೀ ಬೆಂಬಲ