ಲಂಡನ್: ವೆಸ್ಟ್ ಇಂಡೀಸ್ ವಿರುದ್ಧ ಟೀಂ ಇಂಡಿಯಾ ಪಂದ್ಯದಲ್ಲಿ ನಾಟೌಟ್ ಆಗಿದ್ದ ರೋಹಿತ್ ಶರ್ಮಾಗೆ ವಿವಾದಾತ್ಮಕವಾಗಿ ಔಟ್ ತೀರ್ಪು ನೀಡಿದ್ದ ಇಂಗ್ಲೆಂಡ್ ಮೂಲದ ಥರ್ಡ್ ಅಂಪಾಯರ್ ಮೈಕಲ್ ಗಫ್ ಗೆ ಭಾರತೀಯ ಅಭಿಮಾನಿಗಳು ಅವಮಾನ ಮಾಡಿದ್ದಾರೆ.
ಮೈಕಲ್ ಗೂಫ್ ಇಂಗ್ಲೆಂಡ್ ಸೆಮಿಫೈನಲ್ ಗೇರಲು ಬೇಕೆಂದೇ ಟೀಂ ಇಂಡಿಯಾವನ್ನು ಸೋಲಿಸಲು ಈ ರೀತಿ ವಿವಾದಾತ್ಮಕ ತೀರ್ಪು ನೀಡಿದ್ದಾರೆ ಎಂದು ಅಭಿಮಾನಿಗಳು ಆರೋಪಿಸಿದ್ದಾರೆ.
ಅಷ್ಟೇ ಅಲ್ಲದೆ, ಭಾರತೀಯ ಅಭಿಮಾನಿಗಳು ವಿಕಿಪೀಡಿಯಾದಲ್ಲಿರುವ ಮೈಕಲ್ ಗೂಫ್ ಪೇಜ್ ನ್ನೇ ತಿದ್ದಿ ಬರೆದಿದ್ದು, ವಿಂಡೀಸ್ ವಿರುದ್ಧದ ಪಂದ್ಯದಲ್ಲಿ ವಿವಾದಾತ್ಮಕ ಔಟ್ ನೀಡಿದರು. ಅವರು ಭಾರತ ವಿರೋಧಿ, ಅದರಲ್ಲೂ ರೋಹಿತ್ ಶರ್ಮಾಗೆ ಅನ್ಯಾಯ ಮಾಡಿದರು ಎಂದು ಸೇರಿಸಿದ್ದಾರೆ. ಈ ಫೋಟೋವನ್ನು ಶೇರ್ ಮಾಡಿರುವ ಭಾರತೀಯ ಅಭಿಮಾನಿಗಳು ‘ಭಾರತೀಯ ಅಭಿಮಾನಿಗಳ ಭಾವನೆಯೊಂದಿಗೆ ಚೆಲ್ಲಾಟವಾಡಿದರೆ ಯಾವ ಗತಿ ಬರುತ್ತದೆ ನೋಡಿ’ ಎಂದು ಟಾಂಗ್ ನೀಡಿದ್ದಾರೆ. ತಕ್ಷಣ ಎಚ್ಚೆತ್ತುಕೊಂಡ ವಿಕಿಪೀಡಿಯಾ ಈ ತಿದ್ದುಪಡಿಯನ್ನು ಸರಿಪಡಿಸಿದೆ.