ನವದೆಹಲಿ: ಈ ಬಾರಿ ವಿಶ್ವಕಪ್ ಗೆಲ್ಲಬಹುದಾದ ಪ್ರಬಲ ತಂಡಗಳಲ್ಲಿ ಟೀಂ ಇಂಡಿಯಾವೂ ಒಂದು. ಟೀಂ ಇಂಡಿಯಾಕ್ಕೆ ಇರುವ ದೊಡ್ಡ ಪ್ಲಸ್ ಪಾಯಿಂಟ್ ಏನೆಂದು ವಾಲ್ ರಾಹುಲ್ ದ್ರಾವಿಡ್ ಬಿಚ್ಚಿಟ್ಟಿದ್ದಾರೆ.
‘ಇಂಗ್ಲೆಂಡ್ ನಲ್ಲಿ ಆಡಿದ, ಕೋಚ್ ಆಗಿ ಕೆಲಸ ಮಾಡಿದ ಅನುಭವದ ಮೇಲೆ ಹೇಳುತ್ತಿದ್ದೇನೆ. ಈ ವಿಶ್ವಕಪ್ ನಲ್ಲಿ ಹೈ ಸ್ಕೋರಿಂಗ್ ಪಂದ್ಯಗಳಿರಬಹುದು. ಹೀಗಾಗಿ ಮಧ್ಯಮ ಕ್ರಮಾಂಕದಲ್ಲಿ ಬೌಲರ್ ಗಳು ವಿಕೆಟ್ ಕೀಳುವುದು ಮುಖ್ಯವಾಗುತ್ತದೆ. ಭಾರತ ತಂಡಕ್ಕೆ ಆ ಸಾಮರ್ಥ್ಯವಿದೆ. ಹೀಗಾಗಿ ಟೀಂ ಇಂಡಿಯಾಕ್ಕೆ ವಿಶ್ವಕಪ್ ಗೆಲ್ಲುವ ಅವಕಾಶ ಹೆಚ್ಚಿದೆ’ ಎಂದು ದ್ರಾವಿಡ್ ವಿವರಿಸಿದ್ದಾರೆ.
‘ಭಾರತ ತಂಡದಲ್ಲಿ ಬುಮ್ರಾ, ಕುಲದೀಪ್ ಯಾದವ್, ಯಜುವೇಂದ್ರ ಚಾಹಲ್ ಮಧ್ಯಮ ಕ್ರಮಾಂಕದಲ್ಲಿ ವಿಕೆಟ್ ಕೀಳಬಲ್ಲರು. ಯಾವ ತಂಡದಲ್ಲಿ ಮಧ್ಯಮ ಓವರ್ ಗಳಲ್ಲಿ ವಿಕೆಟ್ ಕೀಳಬಲ್ಲ ಬೌಲರ್ ಗಳಿರುತ್ತಾರೋ ಆ ತಂಡ ಈ ಬಾರಿ ಪ್ರಾಬಲ್ಯ ಮೆರೆಯಲಿದೆ’ ಎಂದು ದ್ರಾವಿಡ್ ಭವಿಷ್ಯ ನುಡಿದಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ