ಕೋಲ್ಕೊತ್ತಾ: ಪತ್ನಿಗೆ ಕಿರುಕುಳ ನೀಡಿದ ಆರೋಪಕ್ಕೊಳಗಾಗಿರುವ ಟೀಂ ಇಂಡಿಯಾ ವೇಗಿ ಮೊಹಮ್ಮದ್ ಶಮಿ ತಮ್ಮ ಸಾಮಾಜಿಕ ಜಾಲತಾಣ ಪುಟದಲ್ಲಿ ಮಾಡಿದ ಒಂದೇ ಒಂದು ಪೋಸ್ಟ್ ಅಭಿಮಾನಿಗಳ ಮನ ಕರಗಿಸಿದೆ.
ಪತ್ನಿ ಗೃಹ ಹಿಂಸೆ, ವಿವಾಹೇತರ ಸಂಬಂಧದ ಆರೋಪವನ್ನು ಶಮಿ ಮೇಲೆ ಸ್ವತಃ ಪತ್ನಿ ಹಸೀನ್ ಜಹಾನ್ ಹೊರಿಸಿದ್ದರು. ಈ ಬಗ್ಗೆ ಕೋಲ್ಕೊತ್ತಾ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ಕೂಡಾ ದಾಖಲಾಗಿದೆ. ಈ ರಗಳೆಗಳಿಂದಾಗಿ ಶಮಿಗೆ ಬಿಸಿಸಿಐ ಗುತ್ತಿಗೆ, ಐಪಿಎಲ್ ಭವಿಷ್ಯ ಎಲ್ಲವೂ ಮಂಕಾಗಿದೆ.
ಇದರ ಬೆನ್ನಲ್ಲೇ ಶಮಿ ತಮ್ಮ ಪುತ್ರಿ ಚಾಕಲೇಟ್ ರಾಶಿಗಳ ಎದುರು ಕೂತು ಮುದ್ದಾಗಿ ನಗುವ ಫೋಟೋ ಪ್ರಕಟಿಸಿದ್ದು, ‘ಚಾಕಲೇಟ್ ಲವರ್.. ಲವ್ ಯೂ ಬೇಬಿ’ ಎಂದು ಭಾವನಾತ್ಮಕವಾಗಿ ಬರೆದುಕೊಂಡಿದ್ದಾರೆ. ಅವರ ಈ ಪೋಸ್ಟ್ ನೋಡಿ ಫಾಲೋವರ್ ಗಳನ್ನು ಬೆಂಬಲ ವ್ಯಕ್ತಪಡಿಸಿದ್ದಾರೆ. ಎಲ್ಲಾ ಸರಿ ಹೋಗುತ್ತೆ ಬೇಸರ ಮಾಡಿಕೊಳ್ಳಬೇಡಿ ಎಂದು ಸಮಾಧಾನಪಡಿಸಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ದುನಿಯಾ ಮೊಬೈಲ್ ಆ್ಯಪ್ ಡೌನ್ ಲೋಡ್ ಮಾಡಿಕೊಳ್ಳಿ