ಚೆನ್ನೈ: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ಇಂದಿನಿಂದ ಏಕದಿನ ಸರಣಿ ಆರಂಭವಾಗಲಿದ್ದು, ಟೀಂ ಇಂಡಿಯಾ ಆರಂಭಿಕ ಸ್ಥಾನಕ್ಕೆ ಮಯಾಂಕ್ ಅಗರ್ವಾಲ್ ಮತ್ತು ಕೆಎಲ್ ರಾಹುಲ್ ನಡುವೆ ಆರಂಭಿಕ ಸ್ಥಾನಕ್ಕೆ ಪೈಪೋಟಿ ನಡೆದಿದೆ.
ವಿಶೇಷವೆಂದರೆ ಇಬ್ಬರೂ ಕರ್ನಾಟಕ ಆಟಗಾರರೂ ಕುಚಿಕು ಗೆಳೆಯರು. ಈಗಾಗಲೇ ಟೆಸ್ಟ್ ತಂಡದಲ್ಲಿ ಇಬ್ಬರೂ ಜತೆಯಾಗಿ ಆರಂಭಿಕರಾಗಿ ಕಣಕ್ಕಿಳಿದಿದ್ದರು. ಆದರೆ ಏಕದಿನ ಪಂದ್ಯದಲ್ಲಿ ಇದು ಸದ್ಯಕ್ಕೆ ಸಾಧ‍್ಯವಿಲ್ಲ.
ಹೀಗಾಗಿ ರೋಹಿತ್ ಶರ್ಮಾ ಜತೆಗೆ ಇಂದು ಆರಂಭಿಕ ಸ್ಥಾನಕ್ಕೆ ಯಾರು ಎಂಬುದೇ ಕುತೂಹಲವಾಗಿದೆ. ಈಗಾಗಲೇ ಟಿ20 ಸರಣಿಯಲ್ಲಿ ರಾಹುಲ್ ಅತ್ಯುತ್ತಮ ಪ್ರದರ್ಶನ ನೀಡಿರುವುದರಿಂದ ಕೊಹ್ಲಿಯ ಮೊದಲ ಆಯ್ಕೆ ಅವರೇ ಆಗಿರುವ ಸಾಧ‍್ಯತೆಯೇ ಹೆಚ್ಚು. ಹಾಗಿದ್ದರೂ ಇಬ್ಬರೂ ಅಭ್ಯಾಸ ನಡೆಸಿ ಪಂದ್ಯಕ್ಕೆ ತಯಾರಾಗಿದ್ದು, ಅಂತಿಮ ಸ್ಥಾನ ಯಾರದ್ದು ಎನ್ನುವುದೇ ಕುತೂಹಲದ ವಿಷಯವಾಗಿದೆ.
