ಬೆಂಗಳೂರು: ಇಂದು ನಡೆದ ಐಪಿಎಲ್ ಬಿಡ್ಡಿಂಗ್ ನಲ್ಲಿ ರಾಜ್ಯದ ಆಟಗಾರರಾದ ಕೆಎಲ್ ರಾಹುಲ್ ಮತ್ತು ಮನೀಶ್ ಪಾಂಡೆ ಭಾರೀ ಮೊತ್ತಕ್ಕೆ ಬಿಕರಿಯಾಗಿದ್ದಾರೆ.
ಕೆಎಲ್ ರಾಹುಲ್ ಮತ್ತು ಮನೀಶ್ ಪಾಂಡೆ 11 ಕೋಟಿ ರೂ. ಹರಾಜಾಗಿದ್ದಾರೆ. ರಾಹುಲ್ ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಪಾಲಾಗಿದ್ದಾರೆ. ಮನೀಶ್ ಪಾಂಡೆ ಸನ್ ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಸೇರಿಕೊಂಡಿದ್ದಾರೆ.
ಇನ್ನು ಇಂಗ್ಲೆಂಡ್ ಆಲ್ ರೌಂಡರ್ ಬೆನ್ ಸ್ಟೋಕ್ ಗೆ ಈ ಬಾರಿಯೂ ಭರ್ಜರಿ ಮೊತ್ತ ಸಿಕ್ಕಿದ್ದು, 12.5 ಕೋಟಿ ರೂ.ಗೆ ಅವರು ರಾಜಸ್ಥಾನ್ ರಾಯಲ್ಸ್ ತಂಡಕ್ಕೆ ಲಭ್ಯರಾಗಿದ್ದಾರೆ. ಟೀಂ ಇಂಡಿಯಾ ಆಟಗಾರರ ಪೈಕಿ ಆರ್ ಅಶ್ವಿನ್ ಪಂಜಾಬ್ ತಂಡ, ಶಿಖರ್ ಧವನ್ ಹೈದರಾಬಾದ್ ತಂಡ, ಯಜುವೇಂದ್ರ ಚಾಹಲ್ ಬೆಂಗಳೂರು, ಕೇದಾರ್ ಜಾದವ್ ಚೆನ್ನೈ, ಕುಲದೀಪ್ ಯಾದವ್ ಕೆಕೆಆರ್, ಗೌತಮ್ ಗಂಭೀರ್ ಡೆಲ್ಲಿ ಡೇರ್ ಡೆವಿಲ್ಸ್, ಅಜಿಂಕ್ಯಾ ರೆಹಾನೆ ರಾಜಸ್ಥಾನ್ ರಾಯಲ್ಸ್, ಹರ್ಭಜನ್ ಸಿಂಗ್ ಚೆನ್ನೈ, ಯುವರಾಜ್ ಸಿಂಗ್, ಕರುಣ್ ನಾಯರ್ ಪಂಜಾಬ್ ತಂಡದ ಪಾಲಾಗಿದ್ದಾರೆ.
ಇಶಾಂತ್ ಶರ್ಮಾ, ಲಸಿತ್ ಮಲಿಂಗಾ ಇನ್ನೂ ಯಾವುದೇ ತಂಡಕ್ಕೆ ಬಿಕರಿಯಾಗಿಲ್ಲ. ಉಳಿದಂತೆ ನಾಳೆಯೂ ಹರಾಜು ಪ್ರಕ್ರಿಯೆ ನಡೆಯಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ