ಚೆನ್ನೈ: ಐಪಿಎಲ್ 14 ರ ಹರಾಜಿನಲ್ಲಿ 9 ಕೋಟಿ ರೂ.ಗೆ ಚೆನ್ನೈ ಸೂಪರ್ ಕಿಂಗ್ಸ್ ಪಾಲಾದ ಕನ್ನಡಿಗ ಕೆ ಗೌತಮ್ ಮಾಧ್ಯಮಗಳ ಮುಂದೆ ತಮ್ಮ ಖುಷಿ ಹಂಚಿಕೊಂಡಿದ್ದಾರೆ.
20 ಲಕ್ಷ ರೂ. ಮೂಲ ಬೆಲೆ ಹೊಂದಿದ್ದ ಗೌತಮ್ ರನ್ನು ಚೆನ್ನೈ 9 ಕೋಟಿಗೆ ಖರೀದಿ ಮಾಡಿದೆ. ಈ ಬಗ್ಗೆ ಮಾತನಾಡಿರುವ ಅವರು ‘ನಾನು ಅಕ್ಷರಶಃ ನಡುಗುತ್ತಿದ್ದೇನೆ. ಇದು ಕನಸು ನನಸಾದ ಸಮಯ. ನಾನು ಧೋನಿಯನ್ನು ಆರಾಧಿಸುತ್ತಿದ್ದೆ. ಈಗ ಅವರ ಕೈಕೆಳಗೇ ಆಡುತ್ತೇನೆ ಎನ್ನುವುದು ರೋಮಾಂಚಕಾರಿ ಅನುಭವ’ ಎಂದು ಗೌತಮ್ ಹೇಳಿಕೊಂಡಿದ್ದಾರೆ.
