ಆತ್ಮಕತೆಯಲ್ಲಿ ಅವಹೇಳನ ಮಾಡಿದ ಶಾಹಿದ್ ಅಫ್ರಿದಿಗೆ ತಿರುಗೇಟು ಕೊಟ್ಟ ಗೌತಮ್ ಗಂಭೀರ್

ನವದೆಹಲಿ: ಪಾಕಿಸ್ತಾನ ಕ್ರಿಕೆಟಿಗ ಶಾಹಿದ್ ಅಫ್ರಿದಿ ತಮ್ಮ ಆತ್ಮಕತೆಯಲ್ಲಿ ಭಾರತೀಯ ಕ್ರಿಕೆಟಿಗರಾದ ಗೌತಮ್ ಗಂಭೀರ್ ಮತ್ತು ವೀರೇಂದ್ರ ಸೆಹ್ವಾಗ್ ಬಗ್ಗೆ ಟೀಕೆ ಮಾಡಿದ್ದು, ಗಂಭೀರ್ ಇದಕ್ಕೆ ತಿರುಗೇಟು ನೀಡಿದ್ದಾರೆ.

ಗಂಭೀರ್ ತುಂಬಾ ಒಣ ಪ್ರತಿಷ್ಠೆ ತೋರುವ ವ್ಯಕ್ತಿ. ಕ್ರಿಕೆಟ್ ನಲ್ಲಿ ಹೇಳಿಕೊಳ್ಳುವ ಸಾಧನೆ ಮಾಡದಿದ್ದರೂ ತಾನು ಡಾನ್ ಬ್ರಾಡ್ಮನ್, ಶೇನ್ ಬಾಂಡ್ ಲೆವೆಲ್ ನವನು ಎಂಬ ರೀತಿಯಲ್ಲಿ ಆಡುತ್ತಾನೆ. ಇನ್ನು, ಸೆಹ್ವಾಗ್ ನೋಡಿ, ಸಾಮಾಜಿಕ ಜಾಲತಾಣದಲ್ಲಿ ಆಗಾಗ ಪಾಕ್ ವಿರುದ್ಧ ಕಿಡಿ ಕಾರುತ್ತಲೇ ಇರುತ್ತಾರೆ. ನಾವು ಕ್ರೀಡಾ ರಾಯಭಾರಿಗಳು. ಹಾಗಿರುವಾಗ ಈ ರೀತಿಯ ಪ್ರತ್ಯೇಕತೆಯ ಹೇಳಿಕೆಗಳನ್ನು ನೀಡುವುದು ಜವಾಬ್ಧಾರಿಯುತ ನಡೆಯೇ? ಕೊಹ್ಲಿ, ಸೆಹ್ವಾಗ್, ಗಂಭೀರ್ ಸೇರಿದಂತೆ ಎಲ್ಲಾ ಕ್ರಿಕೆಟಿಗರೂ ಪ್ರತ್ಯೇಕತೆಯ ಮಾತನಾಡುತ್ತಾರೆ ಎಂದು ಅಫ್ರಿದಿ ಜರೆದಿದ್ದರು.

ಇದಕ್ಕೆ ತಕ್ಕ ತಿರುಗೇಟು ಕೊಟ್ಟಿರುವ ಗಂಭೀರ್, ಹೌದು ನನಗೆ ಒಣಪ್ರತಿಷ್ಠೆಯಿದೆ. ಮೋಸಗಾರರು, ಸುಳ್ಳು ಹೇಳುವವರ ವಿರುದ್ಧ ನಾನು ಹಾಗೇ ಇರುವುದು. ತಮ್ಮ ನಿಜ ವಯಸ್ಸೇ ನೆನಪಿಲ್ಲದವರಿಗೆ ನಾನು ಮಾಡಿದ ದಾಖಲೆಗಳು ನೆನಪಿರಲು ಹೇಗೆ ಸಾಧ‍್ಯ ಎಂದು ಗಂಭೀರ್ ತಿರುಗೇಟು ನೀಡಿದ್ದಾರೆ.