ಧೋನಿಯಲ್ಲಿತ್ತು ಈ ವಿಶಿಷ್ಟ ಹವ್ಯಾಸ

ರಾಂಚಿ: ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ನಿವೃತ್ತಿ ಹೇಳಿದ ಕ್ರಿಕೆಟಿಗ ಧೋನಿಯನ್ನು ಇನ್ನು ಮುಂದೆ ಮೈದಾನದಲ್ಲಿ ಅಭಿಮಾನಿಗಳು ಮಿಸ್ ಮಾಡಿಕೊಳ್ಳಲಿದ್ದಾರೆ. ಅವರ ಕೆಲವು ವಿಶೇಷ ಅಭ್ಯಾಸಗಳು ಇಂದಿಗೂ ಕ್ರಿಕೆಟ್ ಪ್ರಿಯರಿಗೆ ಸ್ಮರಣೀಯವಾಗಿದೆ.

ಧೂಮ್ ಧೂಮ್ ಧೋನಿ: ತಮ್ಮ ವೃತ್ತಿ ಜೀವನದ ಆರಂಭದಲ್ಲಿ ಧೋನಿ ಪಂದ್ಯ ಗೆದ್ದಾಗ ಪಂದ್ಯ ಶ್ರೇಷ್ಠ ಪುರಸ್ಕೃತರಿಗೆ ಉಡುಗೊರೆಯಾಗಿ ನೀಡುತ್ತಿದ್ದ ಬೈಕ್ ಮೇಲೆ ಆ ಆಟಗಾರನನ್ನು ಕೂರಿಸಿಕೊಂಡು ಮೈದಾನದಲ್ಲಿ ಜಾಲಿ ರೈಡ್ ಮಾಡುತ್ತಿದ್ದರು.

ವಿಕೆಟ್ ಲವರ್ ಧೋನಿ: ಪ್ರತೀ ಪಂದ್ಯ ಗೆದ್ದಾಗಲೂ ಆ ಗೆಲುವಿನ ಸ್ಮರಣಿಕೆಯಾಗಿ ಧೋನಿ ವಿಕೆಟ್ ಗೂಟವನ್ನು ಹೊತ್ತೊಯ್ಯುತ್ತಿದ್ದರು. ವಿಕೆಟ್ ಗಳಿಗೆ ಮೈಕ್ರೋಫೋನ್ ಅಳವಡಿಸಲು ಪ್ರಾರಂಭಿಸಿದ ಮೇಲೆ ಅದು ದುಬಾರಿ ಎಂಬ ಕಾರಣಕ್ಕೆ ಐಸಿಸಿ ಈ ರೀತಿ ಗೂಟ ಹೊತ್ತೊಯ್ಯುವುದನ್ನು ನಿಷೇಧಿಸಿತು.

ನಾಯಿ ಮೇಲೆ ಪ್ರೀತಿ: ಧೋನಿಗೆ ನಾಯಿಗಳೆಂದರೆ ಭಾರೀ ಪ್ರೀತಿ. ಮೈದಾನ ಸಿಬ್ಬಂದಿಯ ಜತೆಗೆ ನಾಯಿ ಇದ್ದರೆ ಅದರ ಜತೆಗೆ ಕೆಲವು ಕಾಲ ಕಳೆದು  ಖುಷಿಪಡುತ್ತಿದ್ದರು.

ಹೇರ್ ಸ್ಟೈಲ್: ಧೋನಿ ಹೇರ್ ಸ್ಟೈಲ್ ಅಂತೂ ಹೇಳುವ ಹಾಗೆಯೇ ಇಲ್ಲ. ಮೊದಲು ಅವರು ಮಿಂಚಿದ್ದೇ ಹೇರ್ ಸ್ಟೈಲ್ ನಿಂದ ಬಳಿಕ ಕಾಲ ಕಾಲಕ್ಕೆ ತಕ್ಕಂತೆ ತಮ್ಮ ಹೇರ್ ಸ್ಟೈಲ್ ಬದಲಾಯಿಸಿಕೊಂಡು ಹೊಸ ಹೊಸ ಟ್ರೆಂಡ್ ಸೃಷ್ಟಿಸಿದರು.