ಎಬಿಡಿ ಸಹವಾಸದ ಪ್ರಭಾವ: ವಿರಾಟ್ ಕೊಹ್ಲಿ 360 ಡಿಗ್ರಿ ಶಾಟ್!

ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ದ್ವಿತೀಯ ಟಿ20 ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ತಮ್ಮ ಆರ್ ಸಿಬಿ ಸಹ ಆಟಗಾರ ಎಬಿಡಿ ವಿಲಿಯರ್ಸ್ ಅವರ ಟ್ರೇಡ್ ಮಾರ್ಕ್ ಶಾಟ್ 360 ಹೊಡೆತ ಹೊಡೆದು ಸುದ್ದಿಯಾಗಿದ್ದಾರೆ.

ಕುಳಿತಲ್ಲಿಯೇ ಒಂದು ರೌಂಡ್ ಸುತ್ತಿ ಹೊಡೆಯುವ ಈ ಶಾಟ್ ಗೆ ಎಬಿಡಿ ಹೆಸರುವಾಸಿ. ಇನ್ನು, ಎಬಿಡಿಯ ಅಪ್ಪಟ ಸ್ನೇಹಿತರಾಗಿರುವ ಕೊಹ್ಲಿ ಇದನ್ನು ಹೊಡೆದಿದ್ದು ನೋಡಿ ನೆಟ್ಟಿಗರು ಮಾತ್ರವಲ್ಲ, ಸ್ವತಃ ಎಬಿಡಿಯೇ ಪ್ರತಿಕ್ರಿಯೆ ನೀಡಿದ್ದಾರೆ. ಕೊಹ್ಲಿಯ ಈ ಹೊಡೆತಕ್ಕೆ ಸಾಮಾಜಿಕ ಜಾಲತಾಣದಲ್ಲಿ ಎಬಿಡಿ ಸೂಪರ್ ಎನ್ನುವ ಇಮೋಜಿ ಪ್ರಕಟಿಸಿದ್ದಾರೆ. ಇನ್ನು, ನೆಟ್ಟಿಗರು ಅಂತೂ ಎಬಿಡಿ ಸಹವಾಸದಿಂದ ಕೊಹ್ಲಿ ಹೊಸ ಹೊಡೆತ ಕಲಿತರು ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.