ಜೊಹಾನ್ಸ್ ಬರ್ಗ್: ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಮತ್ತು ದ.ಆಫ್ರಿಕಾ ಕ್ರಿಕೆಟಿಗ ಎಬಿಡಿ ವಿಲಿಯರ್ಸ್ ಐಪಿಎಲ್ ನಲ್ಲಿ ಬೆಂಗಳೂರು ರಾಯಲ್ ಚಾಲೆಂಜರ್ಸ್ ತಂಡದ ಪರ ಆಡುತ್ತಾರೆ. ಇದೀಗ ಪರದಾಡುತ್ತಿದ್ದ ಗೆಳೆಯನ ನೆರವಿಗೆ ವಿಲಿಯರ್ಸ್ ಬಂದಿದ್ದಾರೆ!
ಅದು ಹೇಗೆ ಅಂತೀರಾ? ಇಬ್ಬರೂ ಸದ್ಯಕ್ಕೆ ಎದುರಾಳಿಗಳು. ಹಾಗಿದ್ದರೂ ಕೊಹ್ಲಿಗೆ ವಿಲಿಯರ್ಸ್ ನೆರವಾಗಿದ್ದಾರೆ. ಆದರೆ ಇದು ದ.ಆಫ್ರಿಕಾಗೆ ದುಬಾರಿಯಾಗಿದೆ.
ವಿರಾಟ್ ಕೊಹ್ಲಿ 11 ರನ್ ಗಳಿಸಿದ್ದಾಗ ಸ್ಲಿಪ್ ನಲ್ಲಿದ್ದ ಎಬಿಡಿ ವಿಲಿಯರ್ಸ್ ಕ್ಯಾಚ್ ನೆಲಕ್ಕೆ ಹಾಕಿದ್ದಾರೆ. ಹೇಳಿ ಕೇಳಿ ಎಬಿಡಿ ಸ್ಲಿಪ್ ನಲ್ಲಿ ಎಕ್ಸ್ ಪರ್ಟ್ ಫೀಲ್ಡರ್. ಆದರೂ ತಪ್ಪು ಮಾಡಿದರು. ಮತ್ತೊಮ್ಮೆ ಕೊಹ್ಲಿ 32 ರನ್ ಗಳಿಸಿದ್ದಾಗ ಮತ್ತೆ ವಿಲಿಯರ್ಸ್ ಸ್ಲಿಪ್ ನಲ್ಲಿ ಕ್ಯಾಚ್ ಕೈ ಚೆಲ್ಲಿದರು! ಈಗಲೂ ಕೊಹ್ಲಿ ಬಚವಾದರು. ಒಂದು ವೇಳೆ ಕೊಹ್ಲಿ ವಿಕೆಟ್ ಆಗಲೇ ಕಳೆದುಕೊಂಡಿದ್ದರೆ ಭಾರತದ ಪರಿಸ್ಥಿತಿ ಹೀನಾಯವಾಗುತ್ತಿತ್ತು! ಅಂತೂ ಆರ್ ಸಿಬಿ ಗೆಳೆಯನಿಂದ ಕೊಹ್ಲಿಗೆ ಜೀವದಾನ ಸಿಕ್ಕಿತು!
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ