ವಿರಾಟ್ ಕೊಹ್ಲಿ ಪ್ರತೀ ಬಾರಿ ಕಾರು ಇಳಿದು ಹೋಗುವಾಗಲೂ ತಮ್ಮ ಡ್ರೈವರ್ ಗೆ ಹೀಗೆ ಮಾಡೋದು ಮರೆಯಲ್ಲ

ಮುಂಬೈ: ಟೀಂ ಇಂಡಿಯಾ ಕ್ರಿಕೆಟ್ ದಿಗ್ಗಜ ವಿರಾಟ್ ಕೊಹ್ಲಿಯ ವಿಶೇಷ ಸ್ವಭಾವವೊಂದು ಸೋಷಿಯಲ್ ಮೀಡಿಯಾ ಬಳಕೆದಾರರ ಗಮನ ಸೆಳೆಯುತ್ತಿದೆ. ಕೊಹ್ಲಿ ಎಲ್ಲೇ ಹೋಗುವುದಿದ್ದರೂ ಕಾರಿಳಿದ ಬಳಿಕ ತಮ್ಮ ಡ್ರೈವರ್ ಗೆ ಇದೊಂದು ಕೆಲಸ ಮಾಡಲು ಮರೆಯುವುದಿಲ್ಲ.

ವಿರಾಟ್ ಕೊಹ್ಲಿ ವಿಶ್ವದ ಜನಪ್ರಿಯ ಮತ್ತು ಶ್ರೀಮಂತ ಕ್ರೀಡಾಳುಗಳಲ್ಲಿ ಒಬ್ಬರು. ಅವರು ಎಲ್ಲೇ ಹೋಗುವುದಿದ್ದರೂ ಅದು ದೊಡ್ಡ ಸುದ್ದಿಯಾಗುತ್ತದೆ. ವಿಮಾನ ನಿಲ್ದಾಣದಲ್ಲಿ ಕೊಹ್ಲಿ ಕಾಣಿಸಿಕೊಂಡರೆ ಅವರ ಫೋಟೋ, ವಿಡಿಯೋಗಳು ಎಲ್ಲೆಡೆ ವೈರಲ್ ಆಗುವುದು ಸಹಜ.

ಈ ನಡುವೆ ಅಭಿಮಾನಿಗಳು ಅವರ ಈ ಒಂದು ವರ್ತನೆಯನ್ನು ಗಮನಿಸಲೇಬೇಕು. ಕೊಹ್ಲಿ ವಿಮಾನ ನಿಲ್ದಾಣಗಳಿಗೆ ಬರುವಾಗ ಡ್ರೈವರ್ ಅವರ ಕಾರು ಚಲಾಯಿಸುತ್ತಾರೆ. ತಮ್ಮ ಚಾಲಕನಿಗೆ ಕೊಹ್ಲಿ ಎಷ್ಟು ಬೆಲೆ ಕೊಡುತ್ತಾರೆಂದರೆ ಪ್ರತೀ ಬಾರಿ ಕಾರಿಳಿದು ಹೋಗುವಾಗಲೂ ಅವರು ಎಷ್ಟೇ ಅರ್ಜೆಂಟ್ ನಲ್ಲಿದ್ದರೂ, ಕ್ಯಾಮರಾ ಮ್ಯಾನ್ ಗಳು ತಮ್ಮನ್ನು ಸುತ್ತುವರೆದರೂ ತಮ್ಮನ್ನು ಡ್ರಾಪ್ ಮಾಡಿದ ಡ್ರೈವರ್ ಗೆ ಥ್ಯಾಂಕ್ಸ್ ಹೇಳುವುದು ಮರೆಯುವುದಿಲ್ಲ.

ಕಾರಿನಿಂದ ಇಳಿದು ಹೋಗುವ ಮುನ್ನ ಡ್ರೈವರ್ ಗೆ ಬಾಯ್ ಮಾಡಿಯೇ ತೆರಳುತ್ತಾರೆ. ಇದು ಕೇವಲ ವಿಮಾನ ನಿಲ್ದಾಣಗಳಲ್ಲಿ ಮಾತ್ರವಲ್ಲ, ಎಲ್ಲೇ ಹೋದರೂ ಕೊಹ್ಲಿ ಈ ಒಂದು ಕೆಲಸ ಮಾಡುತ್ತಾರೆ. ತಮ್ಮನ್ನು ಸುರಕ್ಷಿತವಾಗಿ ತಲುಪಿಸಿದ ಚಾಲಕನನ್ನು ಕೊಹ್ಲಿ ಗೌರವದಿಂದ ಕಾಣುತ್ತಾರೆ ಎನ್ನುವುದಕ್ಕೆ ಇದೇ ನಿದರ್ಶನ.