ಮೂರು ದಿನದಲ್ಲಿ ಮ್ಯಾಚ್ ಸೋತು, ಎರಡು ದಿನ ಲಂಡನ್ ನಲ್ಲಿದ್ದು ಬರ್ತಾರಂತೆ ವಿರಾಟ್ ಕೊಹ್ಲಿ

ಪರ್ತ್: ಭಾರತ ಮತ್ತು ಆಸ್ಟ್ರೇಲಿಯಾ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯದಲ್ಲೂ ಮತ್ತೊಮ್ಮೆ ಬ್ಯಾಟಿಂಗ್ ವೈಫಲ್ಯಕ್ಕೊಳಗಾದ ವಿರಾಟ್ ಕೊಹ್ಲಿ ಇನ್ನಿಲ್ಲದಂತೆ ಟ್ರೋಲ್ ಆಗುತ್ತಿದ್ದಾರೆ.

ಇತ್ತೀಚೆಗೆ ವಿರಾಟ್ ಕೊಹ್ಲಿ ಭಾರತಕ್ಕಿಂತ ಲಂಡನ್ ನಲ್ಲಿ ಇರುವುದೇ ಹೆಚ್ಚಾಗಿದೆ. ಭಾರತ ಬಿಟ್ಟು ಲಂಡನ್ ವಾಸಿಯಾದ ಮೇಲೆ ಕೊಹ್ಲಿ ಬ್ಯಾಟಿಂಗ್ ನ್ನೇ ಮರೆತಿದ್ದಾರೇನೋ ಎಂಬಂತೆ ಆಡುತ್ತಿದ್ದಾರೆ. ಹೀಗಾಗಿ ಸೋಷಿಯಲ್ ಮೀಡಿಯಾದಲ್ಲಿ ಇದೇ ವಿಚಾರವಾಗಿ ಅವರು ಟ್ರೋಲ್ ಆಗುತ್ತಿದ್ದಾರೆ.

ಅದರಲ್ಲೂ ಒಬ್ಬರಂತೂ ನಾಯಕ ಜಸ್ಪ್ರೀತ್ ಬುಮ್ರಾ ಬಳಿ ಕೊಹ್ಲಿ ಮಾತುಕತೆ ಮಾಡುತ್ತಿರುವ ಫೋಟೋವೊಂದನ್ನು ಪ್ರಕಟಿಸಿ ‘ಮೂರು ದಿನದಲ್ಲಿ ಪಂದ್ಯ ಸೋಲೋಣ, ಎರಡು ದಿನ ಲಂಡನ್ ನಲ್ಲಿದ್ದು ಬರ್ತೀನಿ’ ಎಂದು ಹೇಳುವ ಹಾಗೆ ಮೆಮೆ ಪ್ರಕಟಿಸಿ ಟ್ರೋಲ್ ಮಾಡಿದ್ದಾರೆ.

ಇನ್ನು ಕೆಲವರು ಈ ಲಂಡನ್ ಬಾಯ್ ಕೊಹ್ಲಿಗೆ ಸ್ಪಿನ್ ವಿರುದ್ಧವೂ ಆಡಲು ಬರುತ್ತಿಲ್ಲ, ವೇಗದ ಬೌಲಿಂಗ್ ಎದುರೂ ಆಡಲು ಆಗುತ್ತಿಲ್ಲ. ಇವರು ಯಾವ ಸೀಮೆ ಕಿಂಗ್ ಎಂದು ಟೀಕಿಸಿದ್ದಾರೆ. ಅಷ್ಟೇ ಅಲ್ಲದೆ, ಕೊಹ್ಲಿ ಈ ಪಂದ್ಯದಲ್ಲಿ ಕ್ಯಾಚ್ ಕೂಡಾ ಕೈ ಚೆಲ್ಲಿದ್ದರು. ಹೀಗಾಗಿ ನೀವು ಆಡಿದ್ದು ಸಾಕು ವಾಪಸ್ ಲಂಡನ್ ಗೆ ಹೋಗಿ ಎಂದು ನೆಟ್ಟಿಗರು ಟ್ರೋಲ್ ಮಾಡಿದ್ದಾರೆ.