ಮ್ಯಾಕ್ಸಿ ಇನಿಂಗ್ಸ್ ಗೆ ವಿರಾಟ್ ಕೊಹ್ಲಿ ಫಿದಾ

ಮುಂಬೈ: ಐಸಿಸಿ ಏಕದಿನ ವಿಶ್ವಕಪ್ ನಲ್ಲಿ ಅಫ್ಘಾನಿಸ್ತಾನ ವಿರುದ್ಧ 201 ರನ್ ಗಳ ಅತ್ಯದ್ಭುತ ಇನಿಂಗ್ಸ್ ಆಡಿದ ಗ್ಲೆನ್ ಮ್ಯಾಕ್ಸ್ ವೆಲ್ ಗೆ ಅಭಿನಂದನೆಗಳ ಮಹಾಪೂರವೇ ಹರಿದುಬಂದಿದೆ.

ಕ್ರಿಕೆಟ್ ಲೋಕ ಇದೊಂದು ಐತಿಹಾಸಿಕ ಇನಿಂಗ್ಸ್, ಏಕದಿನ ಕ್ರಿಕೆಟ್ ನ ಅಚ್ಚಳಿಯ ಇನಿಂಗ್ಸ್ ಆಗಲಿದೆ ಎಂದು ಕೊಂಡಾಡಿದೆ. ಆಸೀಸ್ ಆಟಗಾರ ಆರ್ ಸಿಬಿ ಪರ ಐಪಿಎಲ್ ಆಡುತ್ತಾರೆ. ಹೀಗಾಗಿ ಭಾರತದಲ್ಲೂ ಅವರಿಗೆ ಸಾಕಷ್ಟು ಅಭಿಮಾನಿಗಳು, ಗೆಳೆಯರಿದ್ದಾರೆ.

ಇನ್ನು, ಆರ್ ಸಿಬಿ ಸಹ ಆಟಗಾರನ ಈ ಇನಿಂಗ್ಸ್ ಬಗ್ಗೆ ವಿರಾಟ್ ಕೊಹ್ಲಿ ಸೋಷಿಯಲ್ ಮೀಡಿಯಾದಲ್ಲಿ ಕಾಮೆಂಟ್ ಮಾಡಿದ್ದಾರೆ. ಇಂತಹದ್ದೊಂದು ಇನಿಂಗ್ಸ್ ನ್ನು ನೀವು ಮಾತ್ರ ಆಡಲು ಸಾಧ್ಯ ಮ್ಯಾಕ್ಸಿ ಎಂದು ಕೊಹ್ಲಿ ಕೊಂಡಾಡಿದ್ದಾರೆ.