ಅಜಿಂಕ್ಯಾ ರೆಹಾನೆ ಆಟಕ್ಕೆ ವಿರಾಟ್ ಕೊಹ್ಲಿ ಫುಲ್ ಫಿದಾ

ಮೆಲ್ಬೋರ್ನ್: ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಭರ್ಜರಿ ಶತಕ ಗಳಿಸಿ ಪಕ್ಕಾ ನಾಯಕನ ಆಟವಾಡಿದ ಅಜಿಂಕ್ಯಾ ರೆಹಾನೆ ಆಟಕ್ಕೆ ಸ್ವತಃ ವಿರಾಟ್ ಕೊಹ್ಲಿ ಫಿದಾ ಆಗಿದ್ದಾರೆ.

ನಾಯಕನಾಗಿ ಮುಂದೆ ನಿಂತು ಆಡಿದ ರೆಹಾನೆ ಆಟಕ್ಕೆ ಮನಸೋತು ಟ್ವೀಟ್ ಮಾಡಿರುವ ಕೊಹ್ಲಿ ‘ಮತ್ತೊಂದು ಅತ್ಯುತ್ತಮ ದಿನ ನಮ್ಮದಾಯಿತು. ಟೆಸ್ಟ್ ಕ್ರಿಕೆಟ್ ಅದರ ಉತ್ತುಂಗದಲ್ಲಿದೆ ಅನಿಸಿತು. ಜಿಂಕ್ಸ್ ನಿನ್ನ ಬ್ಯಾಟಿಂಗ್ ಅಮೋಘ’ ಎಂದು ಕೊಂಡಾಡಿದ್ದಾರೆ. ಮೊದಲ ದಿನದಾಟದ ಬಳಿಕವೂ ಟ್ವೀಟ್ ಮಾಡಿ ಕೊಹ್ಲಿ ತಮ್ಮ ಹುಡುಗರನ್ನು ಹುರಿದುಂಬಿಸಿದ್ದರು. ತಂಡದಲ್ಲಿಲ್ಲದಿದ್ದರೂ ಆಟಗಾರರಿಗೆ ಸ್ಪೂರ್ತಿ ತುಂಬಲು ಮಾತ್ರ ಮರೆತಿಲ್ಲ.