ಅಶಿಸ್ತು ತೋರಿದ ವಿರಾಟ್ ಕೊಹ್ಲಿಗೆ ಶಿಕ್ಷೆ

ಮುಂಬೈ: ಭಾನುವಾರ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ದ.ಆಫ್ರಿಕಾ ವಿರುದ್ಧ ನಡೆದ ಟಿ20 ಪಂದ್ಯದ ವೇಳೆ ಅಶಿಸ್ತಿನಿಂದ ವರ್ತಿಸಿದ ಆರೋಪದಲ್ಲಿ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಎಚ್ಚರಿಕೆ ನೀಡಲಾಗಿದೆ.

ಟೀಂ ಇಂಡಿಯಾ ಬ್ಯಾಟಿಂಗ್ ಮಾಡುತ್ತಿದ್ದಾಗ 5 ನೇ ಓವರ್ ನಲ್ಲಿ ವಿರಾಟ್ ಕೊಹ್ಲಿ ರನ್ ಗಾಗಿ ಓಡುತ್ತಿದ್ದಾಗ ಎದುರಾಳಿ ಬೌಲರ್ ಬ್ಯೂರನ್ ಹೆಂಡ್ರಿಕ್ಸ್ ಗೆ ಉದ್ದೇಶಪೂರ್ವಕವಾಗಿ ಭುಜ ತಾಗಿಸಿ ಅಶಿಸ್ತಿನ ವರ್ತನೆ ತೋರಿದ್ದಾರೆ.

ಇದೇ ಕಾರಣಕ್ಕೆ ಕೊಹ್ಲಿಗೆ ಎಚ್ಚರಿಕೆ ನೀಡಿರುವ ಐಸಿಸಿ ಒಂದು ಋಣಾತ್ಮಕ ಅಂಕ ವಿಧಿಸಿದೆ. 2018 ರ ಜನವರಿ ಬಳಿಕ ಕೊಹ್ಲಿಗೆ ಐಸಿಸಿ ನೀಡಿರುವ ಮೂರನೇ ಋಣಾತ್ಮಕ ಅಂಕ ಇದಾಗಿದೆ. ನಾಲ್ಕರ ಗಡಿ ದಾಟಿದರೆ ಒಬ್ಬ ಆಟಗಾರ ಪಂದ್ಯದ ನಿಷೇಧಕ್ಕೆ ಒಳಗಾಗಬಹುದಾಗಿದೆ.