ಸೋಲಿನ ಬಳಿಕ ನೇರ ಪಾಕ್ ಆಟಗಾರರ ಬಳಿ ತೆರಳಿದ ವಿರಾಟ್ ಕೊಹ್ಲಿ

ದುಬೈ: ಟಿ20 ವಿಶ್ವಕಪ್ ನ ಮೊದಲ ಪಂದ್ಯದಲ್ಲಿ ಪಾಕಿಸ್ತಾನ ವಿರುದ್ಧ ಹೀನಾಯ ಸೋಲಿನ ಬಳಿಕ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಪಾಕ್ ಕ್ರಿಕೆಟಿಗರ ಬಳಿ ತೆರಳಿ ಅಭಿನಂದಿಸಿದ್ದಾರೆ.

ಟೀಂ ಇಂಡಿಯಾವನ್ನು 10 ವಿಕೆಟ್ ಗಳಿಂದ ಸೋಲಿಸಿದ ಪಾಕ್ ನಾಯಕ ಬಾಬರ್ ಅಜಮ್ ಮತ್ತು ಮೊಹಮ್ಮದ್ ರಿಜ್ವಾನ್ ಬಳಿ ತೆರಳಿದ ಕೊಹ್ಲಿ ಇಬ್ಬರ ಜೊತೆಗೂ ಸ್ನೇಹಪರವಾಗಿ ವರ್ತಿಸಿದ್ದಾರೆ.

ಇನ್ನು, ಸೋಲಿನ ಬಳಿಕ ಮಾತನಾಡಿರುವ ಪಾಕ್ ನಾಯಕ ಬಾಬರ್ ಅಜಮ್ ನಾವು ದಾಖಲೆಗಳನ್ನು ಮನಸ್ಸಲ್ಲಿಟ್ಟುಕೊಳ್ಳದೇ ನಮ್ಮ ಯೋಜನೆಗೆ ತಕ್ಕವಾಗಿ ಆಡಿದೆವು ಎಂದಿದ್ದಾರೆ. ಅತ್ತ ಸೋತ ನಾಯಕ ಕೊಹ್ಲಿ, ನಮ್ಮ ಯೋಜನೆಗಳನ್ನು ಸರಿಯಾಗಿ ಜಾರಿಗೊಳಿಸುವಲ್ಲಿ ಎಡವಿದೆವು. ಇನ್ನೂ 15-20 ಹೆಚ್ಚು ರನ್ ಗಳಿಸಬೇಕಾಗಿತ್ತು ಎಂದಿದ್ದಾರೆ.