ಮೊದಲ ವೆಡ್ಡಿಂಗ್ ಅನಿವರ್ಸರಿ ದಿನವೇ ಪತ್ನಿ ಅನುಷ್ಕಾಗೆ ವಿರಾಟ್ ಕೊಹ್ಲಿ ಹೇಳಿದ್ದೇನು ಗೊತ್ತಾ?!

ಸಿಡ್ನಿ: ಆಸ್ಟ್ರೇಲಿಯಾ ಪ್ರವಾಸದಲ್ಲಿರುವ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಮೊದಲ ಟೆಸ್ಟ್ ಗೆದ್ದ ಸಂಭ್ರಮ ಒಂದೆಡೆಯಾದರೆ, ಇನ್ನೊಂದೆಡೆ ಇಂದು ತಮ್ಮ ವಿವಾಹ ವಾರ್ಷಿಕೋತ್ಸವ ಖುಷಿ.

ಮೊದಲ ವರ್ಷದ ಆನಿವರ್ಸರಿ ಆಚರಿಸಿಕೊಳ್ಳಲು ಈಗಾಗಲೇ ಅನುಷ್ಕಾ ಆಸ್ಟ್ರೇಲಿಯಾ ತಲುಪಿದ್ದಾರೆ. ಕಳೆದ ವರ್ಷ ಇಟೆಲಿಯಲ್ಲಿ ಇದೇ ದಿನ ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಈ ಜೋಡಿ ಇಂದು ಆಸ್ಟ್ರೇಲಿಯಾದಲ್ಲಿ ಸಂಭ‍್ರಮಾಚರಣೆ ಮಾಡುತ್ತಿದೆ.

ಈ ಸಂದರ್ಭದಲ್ಲಿ ವಿರಾಟ್ ಕೊಹ್ಲಿ ತಮ್ಮ ಪತ್ನಿ ಅನುಷ್ಕಾ ಬಗ್ಗೆ ಸಂದರ್ಶನವೊಂದರಲ್ಲಿ ಹೇಳಿಕೊಂಡಿದ್ದಾರೆ. ‘ಅನುಷ್ಕಾ ಬಂದ ಮೇಲೆ ನನ್ನ ಜೀವನವೇ ಬದಲಾಗಿದೆ. ನಾನು ಹೆಚ್ಚು ಪ್ರಾಕ್ಟಿಕಲ್ ಆದೆ. ಮೊದಲು ನಾನು ಹೀಗಿರಲಿಲ್ಲ. ನನ್ನ ಪತ್ನಿ ನನ್ನನ್ನು ಸಂಪೂರ್ಣವಾಗಿ ಬದಲಾಯಿಸಿದಳು. ಅವಳ ಮತ್ತು ನನ್ನ ಜಗತ್ತೇ ಬೇರೆಯಾಗಿತ್ತು. ಆದರೆ ನಾವಿಬ್ಬರೂ ನಮ್ಮಿಬ್ಬರ ಬೆಳವಣಿಗೆಗೆ ಪರಸ್ಪರ ಸಹಕಾರ ನೀಡಿದೆವು’ ಎಂದು ಕೊಹ್ಲಿ ಅನುಷ್ಕಾ ಬಗ್ಗೆ ಹೊಗಳಿದ್ದಾರೆ.

ಇಂದು ಈ ಜೋಡಿ ಆಸ್ಟ್ರೇಲಿಯಾದ ಖಾಸಗಿ ತಾಣವೊಂದರಲ್ಲಿ ಸಮಯ ಕಳೆಯಲಿದೆ ಎನ್ನಲಾಗಿದೆ. ಹೇಗಿದ್ದರೂ ಮೊದಲ ಟೆಸ್ಟ್ ಮುಗಿದು, ಇಂದು ಬಿಡುವಿನ ದಿನವಾಗಿರುವುದರಿಂದ ಈ ಹಾಟ್ ಜೋಡಿಗೆ ಸಂಭ್ರಮಾಚರಿಸಲು ತಕ್ಕ ಸಮಯವೇ ಸಿಕ್ಕಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ