ಆಕ್ಲೆಂಡ್: ಭಾರತ ಮತ್ತು ನ್ಯೂಜಿಲೆಂಡ್ ನಡುವಿನ ಏಕದಿನ ಸರಣಿ ಅತಿಥೇಯ ನ್ಯೂಜಿಲೆಂಡ್ ಪಾಲಾಗಿದೆ. ಆದರೆ ಈ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ವಿಕೆಟ್ ಪಡೆದ ನ್ಯೂಜಿಲೆಂಡ್ ವೇಗಿ ಟಿಮ್ ಸೌಥಿ ದಾಖಲೆ ಮಾಡಿದ್ದಾರೆ.
ಒಟ್ಟಾರೆ ಎಲ್ಲಾ ಕ್ರಿಕೆಟ್ ಮಾದರಿಗಳಲ್ಲಿ ಕೊಹ್ಲಿ ವಿಕೆಟ್ ನ್ನು ಒಂಭತ್ತನೇ ಬಾರಿಗೆ ಮತ್ತು ಏಕದಿನ ಮಾದರಿಯಲ್ಲಿ ಆರನೇ ಬಾರಿಗೆ ಕಬಳಿಸಿದ ಸೌಥಿ ಈ ಮೂಲಕ ಕೊಹ್ಲಿ ವಿಕೆಟ್ ನ್ನು ಅತೀ ಹೆಚ್ಚು ಬಾರಿ ಪಡೆದ ಇಂಗ್ಲೆಂಡ್ ನ ಜೇಮ್ಸ್ ಆಂಡರ್ಸನ್ ಮತ್ತು ಗ್ರೇಮ್ ಸ್ವಾನ್ ಸಾಲಿಗೆ ಸೇರಿದ್ದಾರೆ.
ಕೊಹ್ಲಿ ಈ ಪಂದ್ಯದಲ್ಲಿ 15 ರನ್ ಗೆ ಸೌಥಿಗೆ ವಿಕೆಟ್ ಒಪ್ಪಿಸಿದ್ದರು. ನ್ಯೂಜಿಲೆಂಡ್ ತಂಡದ ಪ್ರಮುಖ ವೇಗಿಯಾಗಿರುವ ಟಿಮ್ ಸೌಥಿ ಈ ಸಾಧನೆ ಮಾಡುವುದರ ಜತೆಗೆ ಸರಣಿ ಗೆಲುವಿನಲ್ಲೂ ನಿರ್ಣಾಯಕ ಪಾತ್ರವಹಿಸಿದರು.