ರಿಷಬ್ ಪಂತ್ ಐತಿಹಾಸಿಕ ಗಬ್ಬಾ ಟೆಸ್ಟ್ ಇನಿಂಗ್ಸ್ ನೆನಪಿದ್ಯಾ?

ಮುಂಬೈ: ಟೀಂ ಇಂಡಿಯಾ ವಿಕೆಟ್ ಕೀಪರ್ ಬ್ಯಾಟಿಗ ರಿಷಬ್ ಪಂತ್ ಆಸ್ಟ್ರೇಲಿಯಾದ ಗಬ್ಬಾ ಮೈದಾನದಲ್ಲಿ ಐತಿಹಾಸಿಕ ಇನಿಂಗ್ಸ್ ಆಡಿ ಭಾರತ ತಂಡಕ್ಕೆ ಗೆಲುವು ಕೊಡಿಸಿದ ದಿನ ಇಂದು.

2021 ರಲ್ಲಿ ಈ ಟೆಸ್ಟ್ ಸರಣಿ ನಡೆದಿತ್ತು. ಇದೀಗ ಮೂರು ವರ್ಷವಾಗಿದೆ. ಸರಣಿಯಲ್ಲಿ 0-1 ಅಂತರದಲ್ಲಿ ಹಿನ್ನಡೆಯಲ್ಲಿದ್ದ ಅಜಿಂಕ್ಯಾ ರೆಹಾನೆ ನೇತೃತ್ವದ ಟೀಂ ಇಂಡಿಯಾ ಈ ಗಬ್ಬಾದಲ್ಲಿ ನಡೆದಿದ್ದ ಟೆಸ್ಟ್ ಪಂದ್ಯಕ್ಕೆ ಮೊದಲು ಸರಣಿಯಲ್ಲಿ 1-1 ಅಂತರದಲ್ಲಿ ಸಮಬಲ ಮಾಡಿಕೊಂಡಿತ್ತು. ಈ ಪಂದ್ಯ ಗೆದ್ದರೆ ಐತಿಹಾಸಿಕ ಸರಣಿ ಗೆಲುವು ಸಿಗುತ್ತಿತ್ತು.

ಆ ಟೆಸ್ಟ್ ಪಂದ್ಯದಲ್ಲಿ ಬಹುತೇಕ  ಆಟಗಾರರು ಗಾಯಗೊಂಡಿದ್ದರು. ಹಾಗಿದ್ದರೂ ಹೆಚ್ಚಿನ ಕ್ರಿಕೆಟಿಗರು ನೋವು ನಿವಾರಕ ನುಂಗಿ ಮೈದಾನಕ್ಕಿಳದಿದ್ದರು. ಗೆಲುವಿಗೆ 328 ರನ್ ಗಳ ಮೊತ್ತ ಬೆನ್ನತ್ತಿದ್ದ ಟೀಂ ಇಂಡಿಯಾದ ಯುವ ಪಡೆ 7 ವಿಕೆಟ್ ಕಳೆದುಕೊಂಡು ಯಶಸ್ವಿಯಾಗಿ ಗುರಿ ಬೆನ್ನತ್ತುವ ಮೂಲಕ ಗೆಲುವು ಕಂಡಿತ್ತು. ಶುಬ್ಮನ್ ಗಿಲ್ ಅರ್ಧಶತಕ, ಚೇತೇಶ್ವರ ಪೂಜಾರ ಉಪಯುಕ್ತ ಕಾಣಿಕೆಯಿತ್ತು. ಕೊನೆಯಲ್ಲಿ ರಿಷಬ್ ಪಂತ್ ನಿರ್ಭಯವಾಗಿ ಆಡಿ ಪಂದ್ಯ ಗೆಲ್ಲಿಸಿಕೊಟ್ಟಿದ್ದರು.