ಮುಂಬೈ: ಹೊಸ ವರ್ಷದ ಆರಂಭದಲ್ಲಿ ಟೀಂ ಇಂಡಿಯಾ ಬಾಂಗ್ಲಾದೇಶ ಮತ್ತು ಆಸ್ಟ್ರೇಲಿಯಾ ವಿರುದ್ಧ ತವರಿನಲ್ಲಿ ಟೆಸ್ಟ್ ಪಂದ್ಯ ಆಡಲಿದೆ. ಎಷ್ಟಾದರೂ ತವರಿನಲ್ಲೇ ನಡೆಯುವ ಪಂದ್ಯ. ಹೀಗಾಗಿಯೇ ಟೀಂ ಇಂಡಿಯಾ ಸುಲಭವಾಗಿ ಗೆಲ್ಲುತ್ತಿದೆ ಎನ್ನುತ್ತಿದ್ದವರಿಗೆ ಉತ್ತರವೆನ್ನುವಂತೆ ವರ್ಷಾಂತ್ಯಕ್ಕೆ ಟೀಂ ಇಂಡಿಯಾ ದೊಡ್ಡ ಸವಾಲು ಎದುರಿಸಲಿದೆ.
ಆಸ್ಟ್ರೇಲಿಯಾ ವಿರುದ್ದ ಟೆಸ್ಟ್ ಸರಣಿ ನಂತರ ಐಪಿಎಲ್, ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಪಂದ್ಯಾವಳಿಯಿದೆ. ವರ್ಷಾಂತ್ಯದಲ್ಲಿ ನಾಲ್ಕು ಟೆಸ್ಟ್ ಪಂದ್ಯಗಳ ಸರಣಿ ಆಡಲು ಟೀಂ ಇಂಡಿಯಾ ದ. ಆಫ್ರಿಕಾ ಪ್ರವಾಸ ಮಾಡಲಿದೆ.
ಇದು ವಿರಾಟ್ ಕೊಹ್ಲಿ ಪಾಲಿಗೆ ನಿಜವಾದ ಪರೀಕ್ಷೆಯೆನಿಸಲಿದೆ. ತವರಿನಲ್ಲಿ ದೊರಕಿದ ಯಶಸ್ಸು ವಿದೇಶದಲ್ಲೂ ಸಿಕ್ಕಿದರೆ ಕೊಹ್ಲಿ ನಿಜವಾಗಿ ಗೆದ್ದಂತೆ. ದ.ಆಫ್ರಿಕಾ ಸರಣಿಯ ದಿನಾಂಕಗಳನ್ನು ಅಲ್ಲಿನ ಕ್ರಿಕೆಟ್ ಮಂಡಳಿ ಇನ್ನೂ ಪ್ರಕಟಿಸಿಲ್ಲ. ಆದರೆ ಇದು ಸುದೀರ್ಘ ಪ್ರವಾಸವಾಗಿದ್ದು, ಟೆಸ್ಟ್ ಅಲ್ಲದೆ, ಏಕದಿನ, ಟಿ-ಟ್ವೆಂಟಿ ಪಂದ್ಯಗಳನ್ನೂ ಆಡಲಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ
ಮೊಬೈಲ್ ಆ್ಯಪ್ ಡೌನ್‍ಲೋಡ್ ಮಾಡಿಕೊಳ್ಳಿ
