ಶೂನ್ಯ ಸುತ್ತಿದರೂ ಶಿಖರ್ ಧವನ್ ಗೇ ಆರಂಭಿಕ ಸ್ಥಾನ! ಇದೆಂಥಾ ಪ್ರಯೋಗ ವಿರಾಟ್ ಕೊಹ್ಲಿ?!

ಚೆಮ್ಸ್ ಫೋರ್ಡ್: ಎಸೆಕ್ಸ್ ತಂಡದ ವಿರುದ್ಧ ಟೀಂ ಇಂಡಿಯಾ ಮೂರು ದಿನಗಳ ಅಭ್ಯಾಸ ಪಂದ್ಯ ಆರಂಭವಾಗಿದ್ದು, ಮೊದಲು ಬ್ಯಾಟಿಂಗ್ ಮಾಡುತ್ತಿರುವ ಭಾರತಕ್ಕೆ ಆರಂಭಿಕ ಆಘಾತ ಸಿಕ್ಕಿದೆ.

ಕೇವಲ 10 ರನ್ ನೊಳಗಾಗಿ ಭಾರತ 2 ಪ್ರಮುಖ ವಿಕೆಟ್ ಗಳನ್ನು ಕಳೆದುಕೊಂಡು ಸಂಕಷ್ಟದಲ್ಲಿದೆ. ಪದೇ ಪದೇ ವಿಫಲರಾದರೂ ಕೆಎಲ್ ರಾಹುಲ್ ಬದಲಿಗೆ ಶಿಖರ್ ಧವನ್ ಗೇ ಆರಂಭಿಕ ಸ್ಥಾನವನ್ನು ಕೊಡುತ್ತಿರುವ ಕೊಹ್ಲಿ ಇಂದೂ ಕೂಡಾ ಕೈ ಸುಟ್ಟುಕೊಂಡಿದ್ದಾರೆ. ಧವನ್ ಶೂನ್ಯಕ್ಕೆ ನಿರ್ಗಮಿಸಿದ್ದಾರೆ.

ಈ ಪಂದ್ಯಕ್ಕೆ ಅಂತಾರಾಷ್ಟ್ರೀಯ ಮನ್ನಣೆ ಇಲ್ಲವಾಗಿರುವುದರಿಂದ ಎಲ್ಲಾ 18 ಆಟಗಾರರೂ ಆಡಬಹುದಾಗಿದೆ. ಆದರೆ ಕಳಪೆ ಫಾರ್ಮ್ ನಲ್ಲಿರುವ ಧವನ್ ಗೇ ಮತ್ತಷ್ಟು ಅವಕಾಶ ನೀಡುತ್ತಿರುವ ಕೊಹ್ಲಿ ಲಾಜಿಕ್ ಏನೆಂದೇ ಅರ್ಥವಾಗುತ್ತಿಲ್ಲ.

ಇದೀಗ ಬಂದ ವರದಿ ಪ್ರಕಾರ ಭಾರತ 2 ವಿಕೆಟ್ ನಷ್ಟಕ್ಕೆ 14 ರನ್ ಗಳಿಸಿದೆ. ಮುರಳಿ ವಿಜಯ್ 6 ಮತ್ತು ಅಜಿಂಕ್ಯಾ ರೆಹಾನೆ 5 ರನ್ ಗಳಿಸಿ ಆಡುತ್ತಿದ್ದಾರೆ. ಚೇತೇಶ್ವರ ಪೂಜಾರ ಕೇವಲ 1 ರನ್ ಗೆ ನಿರ್ಗಮಿಸಿದ್ದಾರೆ. ಮ್ಯಾಟ್ ಕೋಲ್ಸ್ ಗೆ ಎರಡೂ ವಿಕೆಟ್ ದಕ್ಕಿವೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.