ವಿಶ್ವ ಚಾಂಪಿಯನ್ ಶಿಪ್ ತಯಾರಾಗಲು ಟೀಂ ಇಂಡಿಯಾದೊಳಗೇ ಸ್ಪರ್ಧೆ

ಸೌಥಾಂಪ್ಟನ್: ವಿಶ್ವ ಟೆಸ್ಟ್ ಚಾಂಪಿಯನ್ ಶಿಪ್ ಗೆ ತಯಾರಾಗಲು ಟೀಂ ಇಂಡಿಯಾದೊಳಗೇ ಕ್ರಿಕೆಟಿಗರಿಗೆ ಪೈಪೋಟಿ ಏರ್ಪಡಿಸಲಾಗಿದೆ.

ಕೆಲವು ದಿನಗಳಿಂದ ಕ್ರಿಕೆಟ್ ಆಡಿರದ ಕ್ರಿಕೆಟಿಗರಿಗೆ ಇಂಗ್ಲೆಂಡ್ ಪರಿಸ್ಥಿತಿಗೆ ಹೊಂದಿಕೊಳ್ಳಲು ಸಮಯ ಬೇಕು. ನೇರವಾಗಿ ಫೈನಲ್ ಪಂದ್ಯದಲ್ಲಿ ಆಡುವ ಬದಲು ಆಟಗಾರರಿಗೆ ಅಭ್ಯಾಸ ಒದಗಿಸಲು ತಂಡದೊಳಗೇ ಪಂದ್ಯವೇರ್ಪಡಿಸಲಾಗಿದೆ.

ಆಟಗಾರರನ್ನು ಗುಂಪುಗಳಾಗಿ ವಿಂಗಡಿಸಿ ಪಂದ್ಯ ನಡೆಸಲಾಗುತ್ತಿದೆ. ಈ ಮೂಲಕ ಮಹತ್ವದ ಪಂದ್ಯಕ್ಕೆ ಕ್ರಿಕೆಟಿಗರನ್ನು ತಯಾರುಗೊಳಿಸಲಾಗುತ್ತಿದೆ. ಒಂದು ತಂಡಕ್ಕೆ ಕೊಹ್ಲಿ ನಾಯಕರಾದರೆ, ಇನ್ನೊಂದು ತಂಡಕ್ಕೆ ಅಜಿಂಕ್ಯಾ ರೆಹಾನೆ ನಾಯಕರಾಗಿದ್ದಾರೆ. ಇವರೊಳಗೇ ಪಂದ್ಯ ನಡೆಸಲಾಗುತ್ತಿದೆ.