ಅಡಿಲೇಡ್: ಪ್ರಪಂಚದಾದ್ಯಂತ ಟೀಂ ಇಂಡಿಯಾ ಎಲ್ಲೇ ಹೋಗಲಿ ಅಭಿಮಾನಿಗಳ ದಂಡೇ ಹಿಂದೆ ಬರುತ್ತದೆ. ಹೀಗಾಗಿ ವ್ಯಾವಹಾರಿಕವಾಗಿ ಐಸಿಸಿಗೆ ಟೀಂ ಇಂಡಿಯಾ ಆಡುವ ಪಂದ್ಯವೆಂದರೆ ದೊಡ್ಡ ಲಾಭ ತಂದುಕೊಡುತ್ತದೆ.
ಇದೀಗ ನಡೆಯುತ್ತಿರುವ ಟಿ20 ವಿಶ್ವಕಪ್ ನಲ್ಲಿ ಟೀಂ ಇಂಡಿಯಾ ಸೆಮಿಫೈನಲ್ ತಲುಪಿದ್ದು, ಇಂಗ್ಲೆಂಡ್ ವಿರುದ್ಧ ಗೆದ್ದರೆ ಫೈನಲ್ ಆಡಲಿದೆ. ಫೈನಲ್ ನಲ್ಲಿ ಒಂದು ವೇಳೆ ಪಾಕಿಸ್ತಾನ ಎದುರಾಳಿಯಾದರಂತೂ ಮುಗಿದೇ ಹೋಯ್ತು. ಜಾಹೀರಾತುದಾರರಿಗೆ, ಆಯೋಜಕರಿಗೆ ಭರ್ಜರಿ ಲಾಭ.
ಟಿವಿ ಜಾಹೀರಾತು ಬೆಲೆ 10 ಸೆಕೆಂಡಿಗೆ 15 ರಿಂದ 18 ಲಕ್ಷ ರೂ.ಗಳವರೆಗೆ ತಲುಪುತ್ತದೆ. ಹೀಗಾಗಿ ಭಾರತ-ಪಾಕಿಸ್ತಾನ ಫೈನಲ್ ಗೆ ಬರಲಿ ಎಂದು ಜಾಹೀರಾತುದಾರರು ಪ್ರಾರ್ಥಿಸುತ್ತಿದ್ದಾರೆ.
