Publish Date: Sat, 13 Feb 2021 (09:07 IST)
Updated Date: Sat, 13 Feb 2021 (09:09 IST)
ಚೆನ್ನೈ: ಕೊರೋನಾ, ಲಾಕ್ ಡೌನ್ ಬಳಿಕ ಇದೇ ಮೊದಲ ಬಾರಿಗೆ ಭಾರತದಲ್ಲಿ ಭಾರತೀಯ ಪ್ರೇಕ್ಷಕರಿಗೆ ಮೈದಾನದಲ್ಲಿಯೇ ಕ್ರಿಕೆಟ್ ನೋಡುವ ಅವಕಾಶ ಒದಗಿಬಂದಿದೆ. ಇದು ಪ್ರೇಕ್ಷಕರಿಗೆ ಮಾತ್ರವಲ್ಲ, ಟೀಂ ಇಂಡಿಯಾ ಕ್ರಿಕೆಟಿಗರಿಗೂ ಉತ್ಸಾಹ ಹೆಚ್ಚಿಸಿದೆ.
ಪ್ರೇಕ್ಷಕರ ಮುಂದೆ ಆಡುವುದಕ್ಕೆ ಉತ್ಸುಕರಾಗಿದ್ದೇವೆ ಎಂದು ಅಜಿಂಕ್ಯಾ ರೆಹಾನೆ ಈಗಾಗಲೇ ಹೇಳಿಕೆ ನೀಡಿದ್ದಾರೆ. ಭಾರತೀಯ ಪ್ರೇಕ್ಷಕರಿಗೆ ಕ್ರಿಕೆಟ್ ಎಂದರೆ ಮತ್ತೊಂದು ಧರ್ಮವಿದ್ದಂತೆ. ಇಲ್ಲಿನ ಪ್ರೇಕ್ಷಕರು ಕ್ರಿಕೆಟಿಗರನ್ನು ಹುರಿದುಂಬಿಸುವ ಪರಿ ಟೀಂ ಇಂಡಿಯಾ ಕ್ರಿಕೆಟಿಗರಿಗೆ ಕೊಂಚ ಹೆಚ್ಚೇ ಟಾನಿಕ್ ಒದಗಿಸಿದಂತೆ. ಈ ಉತ್ಸಾಹದಲ್ಲಿ ಕ್ರಿಕೆಟಿಗರು ಈ ಪಂದ್ಯ ಗೆಲ್ಲುವಂತಾಗಲಿ ಎಂದು ಅಭಿಮಾನಿಗಳು ಹಾರೈಸುತ್ತಿದ್ದಾರೆ.