ಭಾರತ-ಬಾಂಗ್ಲಾ ಟೆಸ್ಟ್: ಇನಿಂಗ್ಸ್ ಸೋಲು ತಪ್ಪಿಸಲು ಬಾಂಗ್ಲಾ ಹರಸಾಹಸ

ಇಂಧೋರ್: ಭಾರತ ಮತ್ತು ಬಾಂಗ್ಲಾದೇಶ ನಡುವೆ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದಲ್ಲಿ ಇನಿಂಗ್ಸ್ ಸೋಲು ತಪ್ಪಿಸಲು ಬಾಂಗ್ಲಾ ಹೆಣಗಾಡುತ್ತಿದೆ.

ನಿನ್ನೆಯ ದಿನದಾಟಕ್ಕೆ 493 ರನ್ ಗಳಿಗೆ ಆಟ ಮುಗಿಸಿದ್ದ ಭಾರತ ಇಂದು ಒಂದೇ ಒಂದು ಎಸೆತ ಎದುರಿಸದೇ ಮೊದಲ ಇನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು. ಬಾಂಗ್ಲಾ ಮೊದಲ ಇನಿಂಗ್ಸ್ ನಲ್ಲಿ 150 ರನ್ ಗೆ ಆಲೌಟ್ ಆಗಿತ್ತು. ಇದರಿಂದಾಗಿ ಬಾಂಗ್ಲಾಗೆ ಈಗ 343 ರನ್ ಗಳ ಹಿನ್ನಡೆಯಲ್ಲಿದೆ.

ಇತ್ತೀಚೆಗಿನ ವರದಿ ಬಂದಾಗ ಬಾಂಗ್ಲಾ 1 ವಿಕೆಟ್ ನಷ್ಟಕ್ಕೆ 14 ರನ್ ಗಳಿಸಿದೆ. ಇದರಿಂದಾಗಿ ಬಾಂಗ್ಲಾ ಮೊದಲ ಇನಿಂಗ್ಸ್ ಹಿನ್ನಡೆ ದಾಟಿ, ಟೀಂ ಇಂಡಿಯಾಕ್ಕೆ ಗೆಲುವಿಗೆ ರನ್ ಪೇರಿಸುವ ಅನಿವಾರ್ಯತೆಯಲ್ಲಿದೆ. ಸದ್ಯದ ಮಟ್ಟಿಗೆ ಅದು ಅಷ್ಟು ಸುಲಭ ಮಾತಲ್ಲ.