Webdunia - Bharat's app for daily news and videos

Install App

Select Your Language

Notifications

webdunia
webdunia
webdunia
webdunia

ಕಾಮನಬಿಲ್ಲಿನ ನಾಡಿನಲ್ಲಿ ಕೊನೆಗೂ ಟೀಂ ಇಂಡಿಯಾ ಕೈಗೆ ಸಿಗದ ಸರಣಿ ಗೆಲುವು

webdunia
ಶುಕ್ರವಾರ, 14 ಜನವರಿ 2022 (17:11 IST)
ಕೇಪ್ ಟೌನ್: ಎಲ್ಲಾ ದೇಶಗಳಲ್ಲೂ ದಿಗ್ವಿಜಯ ಸಾಧಿಸಿದ್ದ ಟೀಂ ಇಂಡಿಯಾಗೆ ದ.ಆಫ್ರಿಕಾದಲ್ಲಿ ಟೆಸ್ಟ್ ಸರಣಿ ಗೆಲ್ಲುವ ಕನಸಿತ್ತು. ಈ ಬಾರಿ ಕೊಹ್ಲಿ-ದ್ರಾವಿಡ್ ಕಾಂಬಿನೇಷನ್ ನಲ್ಲಿ ಭಾರತ ಟೆಸ್ಟ್ ಸರಣಿ ಗೆಲ್ಲುತ್ತದೆ ಎಂದೇ ಎಲ್ಲರ ನಂಬಿಕೆಯಾಗಿತ್ತು. ಆದರೆ ಕಾಮನಬಿಲ್ಲಿನ ನಾಡಿನಲ್ಲಿ ಟೆಸ್ಟ್ ಸರಣಿ ಗೆಲ್ಲುವ ಕನಸು ಕನಸಾಗಿಯೇ ಉಳಿದಿದೆ.

ಮೂರನೇ ಟೆಸ್ಟ್ ನಲ್ಲಿ ಆಫ್ರಿಕಾ ವಿರುದ್ಧ 7 ವಿಕೆಟ್ ಗಳಿಂದ ಸೋತ ಟೀಂ ಇಂಡಿಯಾ 1-2 ಅಂತರದಿಂದ ಸೋಲು ಅನುಭವಿಸಿತು. ನಿನ್ನೆ 101 ರನ್ ಗೆ 2 ವಿಕೆಟ್ ಕಳೆದುಕೊಂಡಿದ್ದ ಆಫ್ರಿಕಾ ಇಂದು ಕೇವಲ 3 ವಿಕೆಟ್ ಕಳೆದುಕೊಂಡು 212 ರನ್ ಗಳಿಸುವ ಮೂಲಕ ಗೆಲುವಿನ ಗುರಿ ತಲುಪಿತು. ಇದರೊಂದಿಗೆ ಈ ಬಾರಿ ದ.ಆಫ್ರಿಕಾದಲ್ಲಿ ಐತಿಹಾಸಿಕ ಟೆಸ್ಟ್ ಸರಣಿ ಗೆಲ್ಲುವ ಮಹದಾಸೆ ಹೊತ್ತಿದ್ದ ಕನಸು ಭಗ್ನವಾಯಿತು.

ಈ ಸರಣಿ ಸೋಲಿಗೆ ಭಾರತ ತನ್ನ ಬ್ಯಾಟಿಗರನ್ನೇ ಹಳಿದುಕೊಳ್ಳಬೇಕು. ದ್ವಿತೀಯ ಇನಿಂಗ್ಸ್ ನಲ್ಲಿ 198 ರನ್ ಗಳ ಪೈಕಿ ರಿಷಬ್ ಪಂತ್ ಒಬ್ಬರೇ 100 ರನ್ ಗಳಿಸಿದ್ದರು. ಉಳಿದಂತೆ 28 ರನ್ ಇತರೆ ರೂಪದಲ್ಲಿ ಬಂದಿತ್ತು. ಹಾಗಿದ್ದರೆ ಬಾಕಿ ಉಳಿದ 9 ಬ್ಯಾಟಿಗರಿಂದ ಬಂದ ರನ್ ಗಳೆಷ್ಟೆಂದು ನೋಡಿದರೆ ಬ್ಯಾಟಿಗರ ವೈಫಲ್ಯ ಎಷ್ಟಿತ್ತು ಎಂಬುದು ಗೊತ್ತಾಗುತ್ತದೆ. ಇನ್ನಾದರೂ ಟೀಂ ಇಂಡಿಯಾ ಟೆಸ್ಟ್ ಆಡಬಲ್ಲ ಬ್ಯಾಟಿಗರನ್ನು ತಯಾರು ಮಾಡುವುದರತ್ತ ಗಮನಹರಿಸಲೇಬೇಕು.

ಸೂಕ್ತ ಸಂಗಾತಿ ಬೇಕಾ? ಕನ್ನಡ ಮ್ಯಾಟ್ರಿಮೊನಿಯಲ್ಲಿ - ನೋಂದಣಿ ಉಚಿತ!
Share this Story:

Follow Webdunia Hindi

ಮುಂದಿನ ಸುದ್ದಿ

ಸ್ಟಂಪ್ ಮೈಕ್ರೋಫೋನ್ ಬಳಿ ಕೆಂಡ ಕಾರಿದ ವಿರಾಟ್ ಕೊಹ್ಲಿ ಆಂಡ್ ಟೀಂ