ಟಿ20 ವಿಶ್ವಕಪ್: ಎ ಗುಂಪಿಗೆ ಮಳೆಯೇ ಶಾಪ

ಮೆಲ್ಬೋರ್ನ್: ಟಿ20 ವಿಶ್ವಕಪ್ ನಲ್ಲಿ ಎ ಗುಂಪಿನ ತಂಡಗಳಿಗೆ ಈ ಬಾರಿ ಮಳೆಯೇ ಶಾಪವಾಗಿದೆ. ಮಳೆಯಿಂದಾಗಿ ಎರಡು ಪಂದ್ಯಗಳು ರದ್ದಾಗಿವೆ.

ಭಾರತ-ಪಾಕಿಸ್ತಾನ ಪಂದ್ಯಕ್ಕೇ ಮಳೆ ಭೀತಿಯಿತ್ತು. ಆದರೆ ಅದೃಷ್ಟವಶಾತ್ ಆ ಪಂದ್ಯಗಳು ನಡೆದಿದ್ದವು. ಇದಾದ ಬಳಿಕ ಈಗ ಐರ್ಲೆಂಡ್-ಅಫ್ಘನ್, ಅಸೀಸ್-ಇಂಗ್ಲೆಂಡ್ ಪಂದ್ಯಗಳು ಸತತವಾಗಿ ಮಳೆಯಿಂದಾಗಿ ರದ್ದಾಗಿವೆ.

ಇದು ಅಂಕಪಟ್ಟಿಯ ಮೇಲೆ ಪರಿಣಾಮ ಬೀರಲಿವೆ. ಅದರಲ್ಲೂ ಅಫ್ಘಾನಿಸ್ತಾನಕ್ಕೆ ಮಳೆಯಿಂದಾಗಿ ಎರಡೂ ಪಂದ್ಯಗಳು ರದ್ದಾಗಿವೆ.  ಆಸ್ಟ್ರೇಲಿಯಾ ಮೊದಲ ಪಂದ್ಯ ಸೋತಿದ್ದರಿಂದ ಇಂಗ್ಲೆಂಡ್ ವಿರುದ್ಧದ ಪಂದ್ಯ ಮಹತ್ವದ್ದಾಗಿತ್ತು. ಆದರೆ ಅದೂ ರದ್ದಾಗಿದೆ. ವಿಶೇಷವೆಂದರೆ ಎ ಗುಂಪಿನ ತಂಡಗಳಿಗೇ ಮಳೆ ಕಾಟ ಕೊಡುತ್ತಿರುವುದು ದುರಾದೃಷ್ಟ. ಇದೀಗ ಭಾರತ-ದ.ಆಫ್ರಿಕಾ ನಡುವೆ ಪಂದ್ಯ ನಡೆಯಲಿದ್ದು, ಈ ಪಂದ್ಯಕ್ಕೆ ಮಳೆ ಕಾಟ ಕಾಡದೇ ಇದ್ದರೆ ಸಾಕು ಎಂದು ಅಭಿಮಾನಿಗಳು ಪ್ರಾರ್ಥಿಸುವಂತಾಗಿದೆ.

-Edited by Rajesh Patil