South Africa vs India test: ಡೀನ್ ಎಲ್ಗರ್ ಗೆ ವಿರಾಟ್ ಕೊಹ್ಲಿ, ರೋಹಿತ್ ಶರ್ಮಾ ಗಿಫ್ಟ್

Photo Courtesy: Twitter

ಕೇಪ್ ಟೌನ್: ಭಾರತ ಮತ್ತು ದ.ಆಫ್ರಿಕಾ ನಡುವಿನ ದ್ವಿತೀಯ ಟೆಸ್ಟ್ ಪಂದ್ಯ ಆಫ್ರಿಕಾ ಕ್ರಿಕೆಟಿಗ ಡೀನ್ ಎಲ್ಗರ್ ಪಾಲಿಗೆ ಕೊನೆಯ ಟೆಸ್ಟ್ ಪಂದ್ಯವಾಗಿತ್ತು.

ಹೀಗಾಗಿ ಭಾರತೀಯ ಕ್ರಿಕೆಟಿಗರು ಅವರಿಗೆ ಗೌರವಯುತ ವಿದಾಯ ಹೇಳಿದ್ದಾರೆ. ಮೊನ್ನೆಯಷ್ಟೇ ಕೊಹ್ಲಿ ಎಲ್ಗರ್ ವಿಕೆಟ್ ಪಡೆದ ಬಳಿಕ ಸಂಭ್ರಮಿಸಬೇಡಿ ಎಂದು ತಂಡದ ಆಟಗಾರರಿಗೆ ಮನವಿ ಮಾಡಿ ಗೌರವ ಸೂಚಿಸಿದ್ದು ಎಲ್ಲರ ಗಮನ ಸೆಳೆದಿತ್ತು.

ಇದೀಗ ಪಂದ್ಯ ಮುಕ್ತಾಯವಾದ ಬಳಿಕವೂ ಭಾರತೀಯ ಆಟಗಾರರು ಎಲ್ಗರ್ ಗೆ ತಕ್ಕ ವಿದಾಯ ಹೇಳಿದ್ದಾರೆ. ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಉಡುಗೊರೆ ಮೂಲಕ ಎಲ್ಗರ್ ಗೆ ವಿದಾಯ ಕೋರಿದ್ದಾರೆ.

ವಿರಾಟ್ ಕೊಹ್ಲಿ ತಮ್ಮ 18 ನಂಬರ್ ಜೆರ್ಸಿಯನ್ನು ಉಡುಗೊರೆಯಾಗಿ ನೀಡಿದರು. ಇನ್ನು, ರೋಹಿತ್ ಶರ್ಮಾ ಪ್ರಶಸ್ತಿ ವಿತರಣೆ ವೇಳೆ ಎಲ್ಲಾ ಆಟಗಾರರೂ ಸಹಿ ಹಾಕಿದ ತಂಡದ ಜರ್ಸಿಯನ್ನು ಉಡುಗೊರೆಯಾಗಿ ನೀಡುವ ಮೂಲಕ ಗಮನ ಸೆಳೆದರು.