ಕೊರೋನಾ ಪರಿಹಾರಕ್ಕೆ ಹಣ ಸಂಗ್ರಹಿಸಲು ಇಂಡೋ-ಪಾಕ್ ಕ್ರಿಕೆಟ್ ಆಡೋಣ!

ಇಸ್ಲಾಮಾಬಾದ್: ಕೊರೋನಾ ಕೇವಲ ಭಾರತ ಮಾತ್ರವಲ್ಲ, ಪಾಕಿಸ್ತಾನದಲ್ಲೂ ಜನಜೀವನವನ್ನು ಸಂಕಷ್ಟಕ್ಕೀಡು ಮಾಡಿದೆ. ಇಂತಹ ಪರಿಸ್ಥಿತಿಯಲ್ಲಿ ಹಣ ಹೊಂದಿಸಲು ಹೆಣಗಾಡುತ್ತಿರುವ ಪಾಕ್ ಗೆ ಅಲ್ಲಿನ ಕ್ರಿಕೆಟಿಗ ಶೊಯೇಬ್ ಅಖ್ತರ್ ಅದ್ಭುತ ಐಡಿಯಾವೊಂದನ್ನು ನೀಡಿದ್ದಾರೆ.

ಕೊರೋನಾ ಪರಿಹಾರ ನಿಧಿಗೆ ಹಣ ಸಂಗ್ರಹಿಸಲು ಭಾರತ ಮತ್ತು ಪಾಕಿಸ್ತಾನ ನಡುವೆ ಕ್ರಿಕೆಟ್ ಪಂದ್ಯವೇರ್ಪಡಿಸೋಣ ಎಂಬ ಸಲಹೆಯನ್ನು ಅಖ್ತರ್ ನೀಡಿದ್ದಾರೆ.

‘ಉಭಯ ದೇಶಗಳ ನಡುವೆ ಮೂರು ಪಂದ್ಯಗಳ ಸರಣಿ ನಡೆಯಲಿ. ಒಂದು ವೇಳೆ ಕೊಹ್ಲಿ ಶತಕ ಸಿಡಿಸಿದರೆ ನಾವು ಸಂಭ್ರಮಿಸುತ್ತೇವೆ, ಬಾಬರ್ ಅಜಮ್ ಶತಕ ಸಿಡಿಸಿದರೆ ನೀವು ಸಂಭ್ರಮಿಸಿ. ಫಲಿತಾಂಶದ ಬಗ್ಗೆ ಎರಡೂ ದೇಶದವರೂ ಸಂಭ್ರಮಿಸೋದು ಬೇಡ. ಈ ಪಂದ್ಯದಿಂದ ಬಂದ ಹಣವನ್ನು ಕೊರೋನಾ ಪರಿಹಾರಕ್ಕೆ ಬಳಸೋಣ’ ಎಂದು ಅಖ್ತರ್ ಹೇಳಿಕೊಂಡಿದ್ದಾರೆ.