ರೋಹಿತ್ ಶರ್ಮಾ ಏಕದಿನ ವೃತ್ತಿಜೀವನವೂ ಖತಂ?

ಮುಂಬೈ: ಏಕದಿನ ವಿಶ್ವಕಪ್ 2023 ಫೈನಲ್ ಸೋಲಿನ ಬಳಿಕ ನಾಯಕ ರೋಹಿತ್ ಶರ್ಮಾ ಏಕದಿನ ವೃತ್ತಿ ಜೀವನವೂ ಮುಕ್ತಾಯವಾಗಲಿದೆಯೇ? ಹೀಗೊಂದು ಸುದ್ದಿ ಹರಡಿದೆ.

ಈಗಾಗಲೇ ಟಿ20 ಮಾದರಿಯಲ್ಲಿ ರೋಹಿತ್, ಕೊಹ್ಲಿಯನ್ನು ಆಯ್ಕೆಗಾರರು ಸಂಪೂರ್ಣ ಕಡೆಗಣಿಸಿದ್ದಾರೆ. ಟಿ20 ಫಾರ್ಮ್ಯಾಟ್ ನಲ್ಲಿ ತಮ್ಮನ್ನು ಕಡೆಗಣಿಸುವುದಕ್ಕೆ ತಮ್ಮ ಅಭ್ಯಂತರವಿಲ್ಲ ಎಂದು ಸ್ವತಃ ರೋಹಿತ್ ಹೇಳಿದ್ದಾರೆ ಎನ್ನಲಾಗಿದೆ.

ಆದರೆ ಅವರ ಏಕದಿನ ಭವಿಷ್ಯವೇನು ಎಂಬುದು ಇದೀಗ ನಿರ್ಧಾರವಾಗಲಿದೆ. ವಿಶ್ವಕಪ್ ಫೈನಲ್ ಸೋಲಿನ ಬಳಿಕ ಮುಖ್ಯ ಆಯ್ಕೆದಾರ ಅಜಿತ್ ಅಗರ್ಕರ್ ಈ ಕುರಿತು ರೋಹಿತ್ ಜೊತೆ ಮಾತುಕತೆ ನಡೆಸಲಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿದೆ.

ಇನ್ನೊಂದು ಏಕದಿನ ವಿಶ್ವಕಪ್ ನಡೆಯಲು ಇನ್ನು ನಾಲ್ಕು ವರ್ಷಗಳಿವೆ. ಅದರ ನಡುವೆ ಏಕದಿನ ಮಾದರಿಗೆ ಹೊಸ ನಾಯಕನನ್ನು ಬೆಳೆಸಲು ಇದು ಸೂಕ್ತ ಸಮಯ. ಹೀಗಾಗಿ ರೋಹಿತ್ ತಾವಾಗಿಯೇ ತಮ್ಮ ಸ್ಥಾನ ತೆರವು ಮಾಡಿ ಹೊಸ ನಾಯಕನಿಗೆ ಅನುವು ಮಾಡಿಕೊಟ್ಟರೂ ಅಚ್ಚರಿಯಿಲ್ಲ. ಜೊತೆಗೆ ಟಿ20 ಫಾರ್ಮ್ಯಾಟ್ ನಂತೆ ಏಕದಿನ ಸರಣಿಗಳಲ್ಲೂ ಮಂದಿನ ದಿನಗಳಲ್ಲಿ ರೋಹಿತ್ ಕಾಣಿಸಿಕೊಳ್ಳುವುದು ಇನ್ನು ಅಪರೂಪವಾಗಬಹುದು.