ನಾವು ಇಲ್ಲಿಂದ ಹಾಗೇ ಸುಮ್ಮನೆ ಹೋಗಲ್ಲ ಎಂದ ರೋಹಿತ್ ಶರ್ಮಾ

ಸಿಡ್ನಿ: ಆಸ್ಟ್ರೇಲಿಯಾ ಪ್ರವಾಸ ಮಾಡಿರುವ ಟೀಂ ಇಂಡಿಯಾ ಈ ಬಾರಿ ಎಲ್ಲರೂ ಗಮನಿಸುವಂತಹ ಸಾಧನೆ ಮಾಡಿಯೇ ಮರಳುವುದು ಎಂದು ಆರಂಭಿಕ ರೋಹಿತ್ ಶರ್ಮಾ ಹೇಳಿದ್ದಾರೆ.

ನಾವು ಇಲ್ಲಿಗೆ ಸುಮ್ಮನೇ ಬಂದಿಲ್ಲ. ಸಾಧನೆ ಮಾಡಿಯೇ ಈ ದೇಶದಿಂದ ಮರಳುತ್ತೇವೆ ಎಂದು ರೋಹಿತ್ ಖಡಕ್ ಆಗಿ ಹೇಳಿದ್ದಾರೆ. ರೋಹಿತ್ ಹೇಳಿಕೆ ಬೆನ್ನಲ್ಲೇ ಇದೀಗ ಆಸೀಸ್ ಆಟಗಾರರು ಕೊಹ್ಲಿ ಜತೆಗೆ ರೋಹಿತ್ ಕಡೆಗೂ ಗಮನಹರಿಸುವಂತಾಗಿದೆ.

‘ಆಸ್ಟ್ರೇಲಿಯಾದಲ್ಲೇ ಆಸ್ಟ್ರೇಲಿಯಾವನ್ನು ಸೋಲಿಸುವುದು ಕಷ್ಟ. ಆದರೆ ಒಂದು ತಂಡವಾಗಿ ಆಡಿ ನಮ್ಮ ಹೆಜ್ಜೆ ಗುರುತು ಮೂಡಿಸಿಯೇ ಇಲ್ಲಿಂದ ಮರಳುತ್ತೇವೆ’ ಎಂದು ರೋಹಿತ್ ಎದುರಾಳಿಗಳಿಗೆ ಎಚ್ಚರಿಕೆ ಸಂದೇಶ ನೀಡಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.