ಸಚಿನ್-ಸೆಹ್ವಾಗ್ ದಾಖಲೆ ಮುರಿದ ರೋಹಿತ್-ಧವನ್ ಜೋಡಿ

ಮುಂಬೈ: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆದ ನಾಲ್ಕನೇ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ಆರಂಭಿಕರಾದ ಶಿಖರ್ ಧವನ್-ರೋಹಿತ್ ಶರ್ಮಾ ಜೋಡಿ ಹೊಸ ದಾಖಲೆಯೊಂದನ್ನು ಮಾಡಿದೆ.

ಏಕದಿನ ಪಂದ್ಯಗಳಲ್ಲಿ ಆರಂಭಿಕರಾಗಿ ಗಂಗೂಲಿ ಮತ್ತು ಸಚಿನ್ 136 ಇನಿಂಗ್ಸ್ ಗಳಿಂದ 6609 ರನ್ ಗಳಿಸಿ ಯಶಸ್ವಿ ಆರಂಭಿಕರೆನಿಸಿದ್ದರು. ಇದೀಗ ಆ ದಾಖಲೆಯ ಪಟ್ಟಿಯಲ್ಲಿ ಧವನ್-ರೋಹಿತ್ ಜೋಡಿ ದ್ವಿತೀಯ ಸ್ಥಾನ ಪಡೆದಿದೆ. ದ್ವಿತೀಯ ಸ್ಥಾನದಲ್ಲಿದ್ದ ಸೆಹ್ವಾಗ್-ಸಚಿನ್ ದಾಖಲೆಯನ್ನು ಮುರಿದಿದ್ದಾರೆ.

ಈ ಪಂದ್ಯದಲ್ಲಿ ರೋಹಿತ್-ಧವನ್ ಜೋಡಿ ಮೊದಲ ವಿಕೆಟ್ ಗೆ 71 ರನ್ ಪೇರಿಸಿತ್ತು. ಇದರೊಂದಿಗೆ ಈ ಜೋಡಿ ಆರಂಭಿಕರಾಗಿ 3920 ರನ್ ಮಾಡಿತು. ಇದಕ್ಕೂ ಮೊದಲು ಸಚಿನ್ ಸೆಹ್ವಾಗ್ ಜೋಡಿ 3919 ರನ್ ಗಳೊಂದಿಗೆ ದ್ವಿತೀಯ ಯಶಸ್ವಿ ಆರಂಭಿಕ ಸ್ಥಾನದಲ್ಲಿದ್ದರು.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.