ಶತಕ ಪೂರೈಸಲಾಗದ್ದಕ್ಕೆ ಪೂಜಾರನೇ ಕಾರಣ: ಕಿಡಿ ಕಾರಿದ ರಿಷಬ್ ಪಂತ್

ರಾಜ್ ಕೋಟ್: 2020/21 ರ ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಹೀರೋ ಇನಿಂಗ್ಸ್ ಆಡಿಯೂ 97 ಕ್ಕೆ ಔಟಾಗಿ ಶತಕ ಮಿಸ್ ಮಾಡಿಕೊಂಡ ಗಳಿಗೆ ಬಗ್ಗೆ ರಿಷಬ್ ಪಂತ್ ಇದೀಗ ಪ್ರತಿಕ್ರಿಯೆ ನೀಡಿದ್ದಾರೆ.

ಅಂದು ಅಷ್ಟು ಒಳ್ಳೆಯ ಇನಿಂಗ್ಸ್ ಆಡಿ ತಂಡಕ್ಕೆ ಗೆಲುವು ಕೊಡಿಸಿದ್ದ ರಿಷಬ್ ಪಂತ್ ಗೆ ಶತಕ ಸಿಡಿಸಲಾಗಲಿಲ್ಲ ಎಂಬ ಕೊರಗಿದೆ. ಆದರೆ ಇದಕ್ಕೆ ಕಾರಣ ಚೇತೇಶ್ವರ ಪೂಜಾರ ಎಂದು ಸಿಟ್ಟು ಹೊರಹಾಕಿದ್ದಾರೆ.

ನಾನು ಅಲ್ಲಿಯವರೆಗೆ ನನ್ನ ರನ್ ಬಗ್ಗೆ ತಲೆಯೇ ಕೆಡಿಸಿಕೊಂಡಿರಲಿಲ್ಲ. ಬೀಡು ಬೀಸಾಗಿ ಆಡುತ್ತಿದ್ದೆ. ಆದರೆ 97 ರಲ್ಲಿದ್ದಾಗ ಪೂಜಾರ ನನ್ನ ಬಳಿ ಬಂದು ಕೊಂಚ ಎಚ್ಚರಿಕೆಯಿಂದ ಆಡು. ಸಿಂಗಲ್ಸ್, ಡಬಲ್ಸ್ ತೆಗಿ ಎಂದರು. ಆಗ ನಾನು ಕೊಂಚ ವಿಚಲಿತನಾದೆ. ಆ ಬಳಿಕ ಏನಾಯ್ತು ಎಂದೇ ನನಗೆ ಗೊತ್ತಿಲ್ಲ. 97 ಕ್ಕೆ ಔಟಾಗಿ ಬಿಟ್ಟೆ. ಒಂದು ವೇಳೆ ಪೂಜಾರ ಅಂದು ನನಗೆ ಎಚ್ಚರಿಕೆ ನೀಡದೇ ಇದ್ದರೆ ಅದೇ ಲಹರಿಯಲ್ಲಿ ಆಡಿ ಶತಕ ಪೂರೈಸಿಬಿಡುತ್ತಿದ್ದೆ. ಒಂದು ವೇಳೆ ಅಂದು ಶತಕ ಸಿಡಿಸಿದ್ದರೆ ಜೀವನಪೂರ್ತಿ ಅದು ನನಗೆ ಸ್ಪೆಷಲ್ ಇನಿಂಗ್ಸ್ ಆಗಿರುತ್ತಿತ್ತು. ಅಂದು ಶತಕ ವಂಚಿತನಾಗಿದ್ದಕ್ಕೆ ಪೂಜಾರನೇ ಕಾರಣ ಎಂದು ರಿಷಬ್ ದೂರಿದ್ದಾರೆ.