ಆರ್ ಸಿಬಿ ಗೆಲುವಿಗೆ ಟಾರ್ಗೆಟ್ ಫಿಕ್ಸ್ ಮಾಡಿರುವ ಹೊಸ ನಾಯಕ ಫಾ ಡು ಪ್ಲೆಸಿಸ್

ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪ್ರತೀ ಬಾರಿಯೂ ಕಪ್ ನಮ್ದೇ ಎಂಬ ಭರವಸೆಯೊಂದಿಗೆ ಕಣಕ್ಕಿಳಿಯುತ್ತದೆ. ಈ ಬಾರಿ ಹೊಸ ನಾಯಕನ ಆಗಮನವಾಗಿರುವುದರಿಂದ ಅದೃಷ್ಟ ಬದಲಾಗಬಹುದೇ ಎಂಬ ವಿಶ್ವಾಸ ಅಭಿಮಾನಿಗಳದ್ದು.

ಇನ್ನು, ನೂತನವಾಗಿ ಆರ್ ಸಿಬಿ ತಂಡ ಸೇರಿಕೊಂಡು ನಾಯಕರಾಗಿರುವ ಫಾ ಡು ಪ್ಲೆಸಿಸ್ ತಮ್ಮ ತಂಡದ ಯಶಸ್ಸಿಗೆ ಸೂತ್ರ ಹಾಕಿಕೊಂಡಿದ್ದಾರಂತೆ. ಅವರ ರೂಪುರೇಷೆಯಂತೇ ತಂಡ ಈ ಬಾರಿ ಕಾರ್ಯನಿರ್ವಹಿಸಲಿದೆ ಎಂದು ಮಾಜಿ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.

ದ.ಆಫ್ರಿಕಾ ತಂಡದ ನಾಯಕನಾಗಿ ಫಾ ಡು ಕಾರ್ಯವೈಖರಿಯನ್ನು ಹಲವು ಬಾರಿ ಮೆಚ್ಚಿಕೊಂಡಿದ್ದೆ. ಈಗ ಅದೇ ರೀತಿ ಇಲ್ಲಿಯೂ ಅವರು ತಂಡವನ್ನು ಮುನ್ನಡೆಸಲಿದ್ದಾರೆ ಎಂದು ಕೊಹ್ಲಿ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.