RCB Champions: ವಿರಾಟ್ ಕೊಹ್ಲಿ ಎರಡು ಮಕ್ಕಳ ತಂದೆ ಎಂದರೆ ನಂಬಬಹುದೇ, ಇಲ್ಲಿದೆ ಫನ್ನಿ ವಿಡಿಯೋ

ಅಹಮ್ಮದಾಬಾದ್: ಆರ್ ಸಿಬಿ ಮೊದಲ ಬಾರಿಗೆ ಐಪಿಎಲ್ ಕಪ್ ಗೆಲ್ಲುತ್ತಿದ್ದಂತೇ ಎಲ್ಲರಿಗಿಂತ ಹೆಚ್ಚು ಭಾವುಕರಾದವರು, ಸಂಭ್ರಮಪಟ್ಟವರು ವಿರಾಟ್ ಕೊಹ್ಲಿ. ಅವರು ಎರಡು ಮಕ್ಕಳ ತಂದೆ ಎಂದರೆ ಯಾರಾದರೂ ನಂಬಬಹುದೇ ಎಂಬಂತಿತ್ತು ಅವರ ವರ್ತನೆ. ಫನ್ನಿ ವಿಡಿಯೋ ಇಲ್ಲಿದೆ ನೋಡಿ.

ಐಪಿಎಲ್ ಗೆಲ್ಲುತ್ತಿದ್ದಂತೇ ಕೊಹ್ಲಿ ಭಾವುಕರಾಗಿ ಮೈದಾನದಲ್ಲೇ ಕಣ್ಣೀರು ಹಾಕಿದ್ದರು. ಬಳಿಕ ತಮ್ಮ ಸಹ ಆಟಗಾರರನ್ನು, ಗೆಳೆಯ ಎಬಿಡಿ ವಿಲಿಯರ್ಸ್ ನನ್ನು ತಬ್ಬಿ ಸಂಭ್ರಮಿಸಿದ್ದರು. ಪತ್ನಿ ಅನುಷ್ಕಾರನ್ನು ಓಡೋಡಿ ಹೋಗಿ ತಬ್ಬಿಕೊಂಡರು.

ಆದರೆ ರವಿಶಾಸ್ತ್ರಿ ಅವರನ್ನು ತಬ್ಬಿಕೊಳ್ಳಲು ಓಡಿದ ರೀತಿ ಅಭಿಮಾನಿಗಳ ಮುಖದಲ್ಲಿ ನಗು ಮೂಡಿಸಿದೆ. ಪಕ್ಕಾ ಚಿಕ್ಕ ಮಗುವಿನಂತೆ ಓಡೋಡಿಕೊಂಡು ಹೋಗಿ ರವಿಶಾಸ್ತ್ರಿ ತೋಳಿನಲ್ಲಿ ಸೇರಿಕೊಂಡಿದ್ದಾರೆ ಕೊಹ್ಲಿ.

ಅವರ ಈ ವಿಡಿಯೋ ನೋಡಿದ ಅಭಿಮಾನಿಗಳು ಇವರು ನಿಜವಾಗಿಯೂ ಎರಡು ಮಕ್ಕಳ ತಂದೆಯಾ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ. ಟ್ರೋಫಿ ಜೊತೆ ಪೋಸ್ ಕೊಡುವಾಗಲೂ ಅಷ್ಟೇ ಎಲ್ಲರಿಗಿಂತ ಕಿರಿಯ ಆಟಗಾರನಂತೆ ನೆಲದ ಮೇಲೆ ಟ್ರೋಫಿ ಬಳಿಯೇ ಮಲಗಿ ಪೋಸ್ ಕೊಟ್ಟಿದ್ದಾರೆ.