ಏಕದಿನಕ್ಕೆ ಧೋನಿ ನಿವೃತ್ತಿ: ಸುಳಿವು ನೀಡಿದ ರವಿಶಾಸ್ತ್ರಿ

ಮುಂಬೈ: ಟೀಂ ಇಂಡಿಯಾ ಹಿರಿಯ ವಿಕೆಟ್ ಕೀಪರ್ ಧೋನಿ ಸದ್ಯದಲ್ಲೇ ಏಕದಿನ ಪಂದ್ಯಕ್ಕೆ ನಿವೃತ್ತಿಯಾಗಿ ಟಿ20 ಕ್ರಿಕೆಟ್ ನಲ್ಲಿ ಉಳಿಯುವ ಸಾಧ‍್ಯತೆಯಿದೆ. ಈ ಬಗ್ಗೆ ಕೋಚ್ ರವಿಶಾಸ್ತ್ರಿ ಮಹತ್ವದ ಹೇಳಿಕೆ ನೀಡಿದ್ದಾರೆ.

ಧೋನಿ ಏಕದಿನಕ್ಕೆ ನಿವೃತ್ತಿಯಾಗಬಹುದು. ಬಳಿಕ ಟಿ20 ಕ್ರಿಕೆಟ್ ನಲ್ಲಿ ಮುಂದುವರಿಯಬಹುದು ಎಂದು ಅವರು ಹೇಳಿದ್ದಾರೆ. ಹೀಗಾಗಿಯೇ ಏಕದಿನ ವಿಶ್ವಕಪ್ ಬಳಿಕ ಧೋನಿ ಒಂದೇ ಒಂದು ಅಂತಾರಾಷ್ಟ್ರೀಯ ಪಂದ್ಯವನ್ನೂ ಆಡಿಲ್ಲ ಎನ್ನಲಾಗಿದೆ.

ಮುಂಬರುವ ವಿಶ್ವಕಪ್ ಟಿ20 ಕೂಟದಲ್ಲಿ ಆಡುವ ಇಚ್ಛೆ ಹೊಂದಿರುವ ಧೋನಿ ಇದಕ್ಕಾಗಿ ಐಪಿಎಲ್ ನ್ನು ಪುನರಾಗಮನದ ವೇದಿಕೆಯಾಗಿಸಿದ್ದಾರೆ ಎನ್ನಲಾಗಿದೆ. ‘ನಾನು ಧೋನಿಯೊಂದಿಗೆ ಮಾತನಾಡಿರುವೆ. ಅವರು ಟೆಸ್ಟ್ ನಿಂದ ನಿವೃತ್ತಿಯಾಗಿದ್ದಾರೆ. ಸದ್ಯದಲ್ಲೇ ಏಕದಿನಕ್ಕೂ ವಿದಾಯ ಹೇಳಿ ಟಿ20 ಯಲ್ಲಿ ಮುಂದುವರಿಯುವ ಸಾಧ‍್ಯತೆಯಿದೆ’ ಎಂದು ರವಿಶಾಸ್ತ್ರಿ ಮಾಧ್ಯಮಗಳಿಗೆ ಹೇಳಿಕೆ ನೀಡಿದ್ದಾರೆ.