ವಿಸ್ಡನ್ ಇಂಡಿಯಾ ಜತೆ ಕೈ ಜೋಡಿಸಿರುವ ಆಫ್ ಸ್ಪಿನ್ನರ್ ಆರ್.ಅಶ್ವಿನ್ ವಿಶ್ವದ ಮೊದಲ ಹರಾಜು ಫ್ಯಾಂಟಸಿ ಲೀಗ್
- ಕ್ರಿಕ್ - ಟ್ರೇಡ್‌ನ್ನು ಆರಂಭಿಸ ಹೊರಟಿದ್ದಾರೆ.
ಈ ಕುರಿತು ಪ್ರತಿಕ್ರಿಯಿಸಿರುವ ಅಶ್ವಿನ್, ಇತರ ಆಟಗಳು ಹೊಂದಿರದ ವೈಶಿಷ್ಟ್ಯವನ್ನು ಇದು ಹೊಂದಿದೆ. ಪ್ರಥಮ ಬಾರಿ ನಿಮ್ಮ ತಂಡವನ್ನು ಆಯ್ಕೆ ಮಾಡಲು ಹರಾಜಿನ ಅವಕಾಶವನ್ನು ನೀಡಲಾಗಿದೆ. ಬೇರೆ ಆಟಗಳಲ್ಲಿ ಪ್ರತಿಯೊಬ್ಬರೂ ವಿರಾಟ್ ಕೊಹ್ಲಿ ಅಥವಾ ಆರ್.ಅಶ್ವಿನ್ ಅವರನ್ನು ಆಯ್ದುಕೊಳ್ಳಬಹುದು. ಆದರೆ ಇಲ್ಲಿ ಬಳಕೆದಾರ ತನ್ನ ತಂಡವನ್ನು ಸ್ಯಾಂಪಲ್ ಸೈಜ್ ಮಾಡುತ್ತಾನೆ. ಒಬ್ಬ ಬಳಕೆದಾರ ಆರ್ ಅಶ್ವಿನ್ (ಹರಾಜಿನಲ್ಲಿ) ಆಯ್ಕೆ ಮಾಡಿಕೊಂಡರೆ ಮತ್ತೊಬ್ಬ ಆತನನ್ನು ಆಯ್ಕೆ ಮಾಡಿಕೊಳ್ಳಲಾರ ಎಂದಿದ್ದಾರೆ.
ಪಂದ್ಯ ಪ್ರಾರಂಭವಾಗುವ ಒಂದು ಅಥವಾ ಒಂದುವರೆ ಗಂಟೆಗೆ ಮೊದಲು ಪ್ರತಿ ಹರಾಜು ನಡೆಯುತ್ತದೆ. ಪಂದ್ಯದ ದಿನದ ಆಧಾರದ ಮೇಲೆ ಆಟವನ್ನು ವಿನ್ಯಾಸಗೊಳಿಸಲಾಗುತ್ತದೆ. ಆದ್ದರಿಂದ ಪ್ರತಿದಿನ ಆಟದ ಮೊದಲು ತಾಜಾ ಹರಾಜು ನಡೆಯುತ್ತದೆ ಎಂದು ಅವರು ಹೇಳಿದ್ದಾರೆ.
ಬಳಕೆದಾರ www.cric-trade.comನಲ್ಲಿ ತನ್ನ ತಂಡವನ್ನು ನೊಂದಾಯಿಸಿಕೊಂಡು ಆಟದಲ್ಲಿ ಭಾಗವಹಿಸಬಹುದು ಮತ್ತು ಹರಾಜಿಗೆ ಅರ್ಹನಾಗಬಹುದು ಎಂದು ಅವರು ಮಾಹಿತಿ ನೀಡಿದ್ದಾರೆ.
