ಏಷ್ಯಾ ಕಪ್ ರದ್ದು ಘೋಷಣೆ ಮಾಡಿದ ಗಂಗೂಲಿ ವಿರುದ್ಧ ಪಾಕ್ ಕ್ರಿಕೆಟ್ ಮಂಡಳಿ ಕೆಂಗಣ್ಣು

ಮುಂಬೈ: ಸಾಮಾಜಿಕ ಜಾಲತಾಣದಲ್ಲಿ ಚ್ಯಾಟ್ ಶೋ ವೇಳೆ ಏಷ್ಯಾ ಕಪ್ ಕ್ರಿಕೆಟ್ ಟೂರ್ನಮೆಂಟ್ ರದ್ದುಗೊಳಿಸಲಾಗಿದೆ ಎಂದು ಘೋಷಣೆ ಮಾಡಿದ ಬಿಸಿಸಿಐ ಅಧ‍್ಯಕ್ಷ ಸೌರವ್ ಗಂಗೂಲಿ ಹೇಳಿಕೆ ಈ ಬಾರಿಯ ಏಷ್ಯಾ ಕಪ್ ಆಯೋಜಕರಾಗಿರುವ ಪಾಕ್ ಕ್ರಿಕೆಟ್ ಮಂಡಳಿಯ ಕೆಂಗಣ್ಣಿಗೆ ಗುರಿಯಾಗಿದೆ.

ಏಷ್ಯಾ ಕಪ್ ರದ್ದು ಮಾಡಬೇಕೋ ಬೇಡವೋ ಎಂದು ನಿರ್ಧರಿಸುವುದು ಏಷ್ಯಾ ಕ್ರಿಕೆಟ್ ಮಂಡಳಿ. ಅದರ ಸಭೆ ಇನ್ನೂ ನಡೆದಿಲ್ಲ. ಅದನ್ನು ಘೋಷಣೆ ಮಾಡುವುದು ಏಷ್ಯಾ ಮಂಡಳಿ ಅಧ‍್ಯಕ್ಷ ನಜ್ಮುಲ್ ಹಸನ್. ಗಂಗೂಲಿ ಯಾವ ಆಧಾರದಲ್ಲಿ ಏಷ್ಯಾ ಕಪ್ ರದ್ದು ಎಂದು ಘೋಷಣೆ ಮಾಡಿದರು? ಅವರಿಗೆ ಹಾಗೆ ಘೋಷಣೆ ಮಾಡಲು ಯಾವ ಅಧಿಕಾರವಿದೆ?’ ಎಂದು ಪಾಕ್ ಕ್ರಿಕೆಟ್ ಮಂಡಳಿ ಮಾಧ್ಯಮ ನಿರ್ದೇಶಕ ಸಮೈಲ್ ಹಸನ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.