ಮ್ಯಾಚ್ ಫಿಕ್ಸಿಂಗ್ ಮಾಡುವುದಷ್ಟೇ ಅಲ್ಲ, ಮ್ಯಾಚ್ ಫಿಕ್ಸಿಂಗ್ ಆಫರ್ ಬಗ್ಗೆ ಕ್ರಿಕೆಟ್ ಮಂಡಳಿಗೆ ಮಾಹಿತಿ ನೀಡದಿರುವುದೂ ಸಹ ಅಪರಾಧ. ಪಾಕಿಸ್ತಾನ ಸೂಪರ್ ಲೀಗ್`ನಲ್ಲಿ ಮ್ಯಾಚ್ ಫಿಕ್ಸಿಂಗ್ ಆಫರ್ ಬಗ್ಗೆ ಕ್ರಿಕೆಟ್ ಮಂಡಳಿಗೆ ಮಾಹಿತಿ ನೀಡದ ಹಿನ್ನೆಲೆಯಲ್ಲಿ ಪಾಕಿಸ್ತಾನದ ವೇಗಿ 7 ಅಡಿ ಎತ್ತರದ ಹಮ್ಮದ್ ಇರ್ಫಾನ್`ಗೆ 1 ವರ್ಷ ನಿಷೇಧ ಮತ್ತು 1 ಸಾವಿರ ಡಾಲರ್ ದಂಡ ವಿಧಿಸಿದೆ.
ಪಾಕಿಸ್ತಾನ ಸೂಪರ್ ಲೀಗ್ ಸಂದರ್ಭ ಬುಕ್ಕಿಗಳು ಮೊಹಮ್ಮದ್ ಇರ್ಫಾನ್ ಬಳಿ ಮ್ಯಾಚ್ ಫಿಕ್ಸಿಂಗ್ ಪ್ರಸ್ತಾಪ ಇಟ್ಟಿದ್ದರು. ಆದರೆ, ಮ್ಯಾಚ್ ಫಿಕ್ಸಿಂಗ್ ಒಪ್ಪಿಕೊಳ್ಳದೆ ಸ್ಫೂರ್ತಿ ಮೆರೆದ ಇರ್ಫಾನ್, ಈ ಮಾಹಿತಿಯನ್ನ ಕ್ರಿಕೆಟ್ ಮಂಡಳಿಗೆ ನೀಡದೇ ನಿರ್ಲಕ್ಷ್ಯ ವಹಿಸಿದ್ದರು. ಇದೀಗ, ನಿರ್ಲಕ್ಷ್ಯವೇ ಅವರಿಗೆ ಮುಳುವಾಗಿದೆ.
`ಬುಕ್ಕಿಗಳು ನನ್ನನ್ನ ಸಂಪರ್ಕಿಸಿದ್ದ ಬಗ್ಗೆ ನಾನು ಮಾಹಿತಿ ನೀಡಲು ಸಾಧ್ಯವಾಗಲಿಲ್ಲ. ಹೀಗಾಗಿ, 2 ಆರೋಪಗಳ ಮೇಲೆ ನನಗೆ ಒಂದು ನಿಷೇಧ ಹೇರಿದ್ದಾರೆ, ಪಿಸಿಬಿ ನೀತಿ ಸಂಹಿತೆ ಪ್ರಕಾರ ಮ್ಯಾಚ್ ಫಿಕ್ಸಿಂಗ್ ರೀತಿಯ ಯಾವುದೇ ಪ್ರಸ್ತಾಪವನೆ ಬಂದರೂ ನಾವು ನಾವು ಪಿಸಿಬಿಗೆ ಮಾಹಿತಿ ನೀಡಬೇಕು. ಆದರೆ, ನಾನದನ್ನ ಮಾಡಲು ವಿಫಲವಾದೆ ಎಂದು ಮೊಹಮ್ಮದ್ ಇರ್ಫಾನ್ ತಿಳಿಸಿದ್ದಾರೆ.
