ಲಂಡನ್: ಭಾರತ ಮತ್ತು ಪಾಕಿಸ್ತಾನ ನಡುವೆ ನಡೆದ ವಿಶ್ವಕಪ್ ಪಂದ್ಯದಲ್ಲಿ ಪಾಕ್ ವೇಗಿಗಳು ಪದೇ ಪದೇ ಪಿಚ್ ಮೇಲೆ ನಡೆದು ಅಂಪಾಯರ್ ಬಳಿ ಪದೇ ಪದೇ ಎಚ್ಚರಿಕೆ ಪಡೆದ ಘಟನೆ ನಡೆದಿದೆ.
ವೇಗಿ ಮೊಹಮ್ಮದ್ ಅಮೀರ್ ಮೊದಲು ಎಚ್ಚರಿಕೆ ಪಡೆದವರು. ಪಿಚ್ ಮೇಲೆ ಓಡಾಡಿದ್ದಕ್ಕೆ ಅಮೀರ್ ಎರಡು ಬಾರಿ ವಾರ್ನಿಂಗ್ ಪಡೆದರು. ನಂತರ ಮತ್ತೊಬ್ಬ ವೇಗಿ ವಹಾಬ್ ರಿಯಾಜ್ ಕೂಡಾ ಎರಡು ಬಾರಿ ಅಂಪಾಯರ್ ಬಳಿ ಇದೇ ಕಾರಣಕ್ಕೆ ವಾರ್ನಿಂಗ್ ಪಡೆದರು.
ಇಷ್ಟರಲ್ಲಿ ಪಾಕ್ ನಾಯಕ ಸರ್ಫರಾಜ್ ತಾಳ್ಮೆ ಕಟ್ಟೆಯೊಡೆದಿತ್ತು. ತಮ್ಮ ಬೌಲರ್ ಗಳಿಗೆ ಕೊಂಚ ಗರಂ ಆಗಿಯೇ ಪಾಕ್ ನಾಯಕ ತಿಳಿ ಹೇಳಿದರು. ವಿಶೇಷವೆಂದರೆ ಹೀಗೆ ಅಂಪಾಯರ್ ಬಳಿ ಎಚ್ಚರಿಕೆ ಪಡೆದ ಮರು ಎಸೆತದಲ್ಲಿಯೇ ವಹಾಬ್ ಕೆಎಲ್ ರಾಹುಲ್ ರೂಪದಲ್ಲಿ ಪಾಕ್ ಗೆ ಮೊದಲ ವಿಕೆಟ್ ಗಳಿಸಿಕೊಟ್ಟರು.
