ಬೇ ಓವಲ್: ಭಾರತದ ವಿರುದ್ಧ ಟಿ20 ಸರಣಿ ವೈಟ್ ವಾಶ್ ಆದ ಅವಮಾನ ಅನುಭವಿಸಿದ್ದ ನ್ಯೂಜಿಲೆಂಡ್ ಏಕದಿನದಲ್ಲಿ ಕ್ಲೀನ್ ಸ್ವೀಪ್ ಮಾಡಿ ಸೇಡು ತೀರಿಸಿಕೊಂಡಿದೆ.
ಮೂರನೇ ಏಕದಿನ ಪಂದ್ಯವನ್ನು 5 ವಿಕೆಟ್ ಗಳಿಂದ ಗೆದ್ದ ನ್ಯೂಜಿಲೆಂಡ್ ಸರಣಿ ಕ್ಲೀನ್ ಸ್ವೀಪ್ ಮಾಡಿಕೊಂಡಿದೆ. 297 ರನ್ ಗಳ ಗೆಲುವಿನ ಗುರಿ ಬೆನ್ನತ್ತಿದ ಕಿವೀಸ್ 47.1 ಓವರ್ ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 300 ರನ್ ಗಳಿಸುವ ಮೂಲಕ ಗುರಿ ತಲುಪಿತು. ನ್ಯೂಜಿಲೆಂಡ್ ಪರ ಮಾರ್ಟಿನ್ ಗುಪ್ಟಿಲ್ 66, ಹೆನ್ರಿ ನಿಕಲಸ್ 80, ಟಾಮ್ ಲಥಮ್ 32 ಮತ್ತು ಕಾಲಿನ್ ಗ್ರಾಂಡ್ ಹೋಮ್ 58 ರನ್ ಗಳಿಸಿದರು. ಭಾರತದ ಪರ ಯಜುವೇಂದ್ರ ಚಾಹಲ್ 3 ಮತ್ತು ಶ್ರಾದ್ಧೂಲ್ ಠಾಕೂರ್, ರವೀಂದ್ರ ಜಡೇಜಾ ತಲಾ 1 ವಿಕೆಟ್ ಹಂಚಿಕೊಂಡರು.
ಇದರೊಂದಿಗೆ ಏಕದಿನ ಪಂದ್ಯಗಳಲ್ಲಿ ಟೀಂ ಇಂಡಿಯಾ ಐದನೇ ಬಾರಿಗೆ ವೈಟ್ ವಾಶ್ ಅವಮಾನಕ್ಕೀಡಾಯಿತು. ಅಗ್ರ ಕ್ರಮಾಂಕದ ಬ್ಯಾಟ್ಸ್ ಮನ್ ಗಳು ರನ್ ಗಳಿಸದೇ ಇದ್ದಿದ್ದು ಮತ್ತು ವೇಗಿಗಳು ನಿಯಮಿತವಾಗಿ ವಿಕೆಟ್ ಕೀಳಲು ವಿಫಲವಾಗಿದ್ದು ಮತ್ತು ಪ್ರಮುಖವಾಗಿ ಫೀಲ್ಡಿಂಗ್ ಕೈಕೊಟ್ಟಿದ್ದು ಭಾರತದ ಈ ಸರಣಿ ಸೋಲಿಗೆ ಕಾರಣವಾಯಿತು.
